Ayol istalgan bolani tezda tinchlantirishi mumkin bo‘lgan ajoyib layfxak bilan bo‘lishdi

^{Foto: Facebook / Jessica D'Entremont}
Amerikalik ayol Jessika d’Entremontning ikki nafar qizi bor. Biroq, uxlash vaqti kelganda, ularni tinchlantirish deyarli imkonsiz. Ammo ayol bu borada o‘ziga xos yechim topdi.

Jessika o‘zining ajoyib layfxaki bilan "Feysbuk"dagi sahifasida bo‘lishdi. Uning so‘zlariga ko‘ra, yaqinda qizlariga qorong‘ida o‘zidan nur taratadigan pijamalar sotib olgan. Shundan so‘ng, ona o‘z farzandlaridan besh daqiqa sukut saqlash haqida so‘rashning o‘rniga, juda ayyor reja tuzdi.

U qizlariga yangi pijamalarni yoqib yurish uchun ularni “quvvatlantirish” kerakligini aytdi. Eng muhimi - chiroq yoqilgan holda tinch va harakatsiz tarzda. Endi bu oilada uyquga tayyorgarlik jarayoni ancha tinchlangan. Garchi ayol ayyorlik qilgan bo‘lsa-da, vijdon azobidan qiynalmayotganini ta’kidladi.

Layfxakli post tezda mashhur bo‘lib ketdi. Bir hafta ichida u 200 mingdan ortiq layk va 50 mingga yaqin izoh yig‘di. “Zamin” yangiliklarini “Telegram”da kuzatib boring