20:43 / 11.11.2019
5 440

Ichishni tashlasangiz, tanada nimalar ro‘y beradi?

Ichishni tashlasangiz, tanada nimalar ro‘y beradi?
Spirtli ichimliklardan, hatto, ikki haftagina bosh tortsangiz ham, hayotingiz sezilarli o‘zgaradi, deb yozadi «Xabar» nashri.

Xotira va uyqu yaxshilanadi
Alkogol neyron aloqalarga ta’sir ko‘rsatadi — spirtli ichimliklarning doimiy qabuli tufayli uyqu, xotira va nervlar aziyat chekadi. Undan bosh tortish esa diqqat-e’tiborning oshishiga olib keladi. Uyquga to‘ya boshlaysiz. Yarim tunda bekordan-bekorga uyg‘onib ketavermaysiz.

Ozasiz
Bu faqat alkogolning kaloriyali ekani bilan bog‘liq emas. Hamma gap shundaki, u ishtahani kuchaytiradi va e’tiborni susaytiradi: natijada keragidan ortiq yeb qo‘yganingizni sezmay qolasiz. Alkogolli kokteyllar ham xuddi fast-fud singari kaloriyaga boy.

Ichaklar faoliyati me’yorlashadi
Natijada teri sifati ham yaxshilanadi. Gap shundaki, alkogol ichaklar mikroflorasiga salbiy ta’sir ko‘rsatadi.
Oqibatda immunitet va teri yallig‘lanishi bilan bog‘liq muammolar yuzaga chiqadi. Spirtli ichimlik ichishni tashlang, mana ko‘rasiz, bor-yo‘g‘i 7 — 10 kunda yuzingiz tiniqlashib qoladi.

Chidamli va serg‘ayrat kimsaga aylanasiz
Yana nafas siqishi va doimiy charchoq hissini unutasiz. Ko‘p alkogol qabuli tufayli qon tomir devorlarida zararli yog‘lar to‘planadi. Natijada yurak qiynalib ishlaydi. Undan voz kechsangiz vujudingiz yengillashadi, faolligingiz ortadi va suv-tuz muvozanati izga tushadi.

Suvsizlanishdan qutilasiz
Ichilgan har bir qadah alkogol ustidan bir stakan suv ichish lozim, lekin ko‘pchilik buni xayoliga ham keltirmaydi. Spirtli ichimliklardan bosh tortsangiz, to‘qimalarning kislorodga to‘yinishi yaxshilanadi. Shuning hisobiga shishlar yo‘qoladi. Teringiz esa sog‘lom nur socha boshlaydi!

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Hayot uchun » Ichishni tashlasangiz, tanada nimalar ro‘y beradi?