Yangi avlod Hyundai Tucson krossoveri taqdim etildi

1 daqiqa o'qish129
Yangi avlod Hyundai Tucson krossoveri taqdim etildi
QisqachaAI yordamida tayyorlanganKo‘rsatish
  • Hyundai kompaniyasi Hyundai Tucson krossoverining beshinchi avlodini taqdim etdi, bu model bozor raqobatiga javob va o'z mavqeini mustahkamlash maqsadida yaratilgan.
  • Yangi Tucson avvalgisiga nisbatan 35 mm uzaytirilib, uzunligi 4,56 metrga yetgan, bazasi esa 40 mm kengaygan, natijada bagaj sig'imi 695 litrga oshgan.
  • Salonning ichki qismi ham o'zgartirilib, raqamli asboblar paneli va rul chambaragi yangicha dizaynga ega bo'lgan, shuningdek, xavfsizlik tizimlari yaxshilangan.

Hyundai kompaniyasi dunyodagi eng koʻp sotiladigan avtomobillardan biri boʻlgan Hyundai Tucson krossoverining yangi, beshinchi avlodini namoyish etdi. Mazkur yangilanish bozorlarda faollashib borayotgan xitoylik raqobatchilar, jumladan BYD Seal U va Jaecoo 7 modellariga munosib javob berish hamda oʻz mavqeini yanada mustahkamlash maqsadida amalga oshirildi. Bu haqda Autocar.co.uk xabar beradi.

Avvalroq Koreya bozori uchun taqdim etilgan krossover endi Yevropa bozoriga moʻljallangan qisqartirilgan versiyada batafsil ochib berildi. Ishlab chiqaruvchilarning maʼlum qilishicha, yangi modelni yaratishda salon kengligi va amaliylikni oshirishga alohida eʼtibor qaratilgan.

Oʻlchamlarning kengayishi va amaliylik

ixbt.com maʼlumotiga koʻra, yangi Hyundai Tucson oldingi avlodiga nisbatan 35 millimetrga uzaytirilib, uning uzunligi 4,56 metrni tashkil etgan. Shuningdek, avtomobil bazasi 40 millimetrga kengaytirilgan boʻlib, u biroz balandroq va enliroq koʻrinishga ega boʻlgan.

Gabarit oʻlchamlarining kattalashuvi hisobiga bagaj hajmi 79 litrga koʻpayib, naqd 695 litrga yetkazildi. Orqa oʻrindiqlar 40:20:40 nisbatda boʻlingan boʻlib, yoʻlovchilar qulayligi yoki yuk koʻtarish imkoniyatini oshirish uchun ularni oldinga yoki orqaga 150 millimetrga surish mumkin.

Interer va haydovchining ish joyi

Avtomobil salonida sezilarli oʻzgarishlar roʻy berdi. Old panelda Ioniq 3 elektr xatchbekidan olingan yechim qoʻllanilib, u kichikroq pastki rul chambaragini yuqoriga oʻrnatilgan raqamli asboblar paneli bilan uygʻunlashtiradi. Bu yondashuv Peugeot brendining i-Cockpit uslubini eslatib yuboradi.

Hyundai kompaniyasining Yevropadagi dizayn boʻlimi rahbari Eduardo Ramiresning taʼkidlashicha, ushbu yechim haydovchiga noqulaylik tugʻdirmasligi uchun uzoq jarayon davomida sozlangan. Asosiy eʼtibor xavfsizlikka qaratilgan boʻlib, haydovchi yoʻldan chalgʻib, maʼlumotlarni oʻqishga sarflaydigan soniyalar qisqartirilgan.

Xavfsizlikning yangi texnologiyalari

Tercson modeli zamonaviy haydovchining diqqatini kuzatish tizimining yangi turi bilan jihozlandi. Endi bu datchik rul ustunida emas, balki orqa koʻrinish oynasida joylashgan boʻlib, ham haydovchi, ham oldingi yoʻlovchini kuzatib boradi.

Mazkur tizim yoʻlovchining notoʻgʻri holatda oʻtirgani, jumladan oyoqlarini boshqaruv paneliga qoʻyib olganini hamda xavfsizlik kamari taqilganini aniqlay oladi. Bundan tashqari, mashinadan tushib ketayotganda orqa oʻrindiqda bola unutib qoldirilsa, signal chalib ogohlantiruvchi yangi funksiya ham qoʻshilgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?