Har bir ayol turmush o‘rtog‘i(suyukli yori) xiyonat qilishini istamaydi. Erkak xiyonat qilishiga nima sabab bo‘larkan? Qanday qilib buni oldini olish mumkin? Albatta hamma erkak ham xiyonat qilmaydi. Xiyonat qilganlar esa xotinini sevmaydi degan gap ham emas. “Uzbaby.uz” saytining yozishicha, erkakni xiyonat qilishiga quyidagilar bo‘ladi:
1. Jismoniy holati
Erkakning jinsiy aloqaga bo‘lgan ehtiyoji uning organizmidagi testosteron gormoniga bog‘liq. Bu garmon qanchalik ko‘p ishlab chiqilsa, erkakning jinsiy aloqaga ehtiyoji shunchalik yuqori bo‘ladi. Ana shunday yuqori ehtiyojli erkaklar o‘z xotini bilan ehtiyojini qondirolmay, boshqa ayollar bilan aloqaga kirishadi.
Xotin nima qilishi mumkin: bunday erkaklarni jismonan jinsiy aloqada ehtiyoji katta bo‘lgani uchun, ayoli uni doim qondirishga tayyor bo‘lishi kerak. Erkakning ehtiyoji yuqori ekanligini qanday qilib bilsa bo‘ladi? Ko‘pincha bunday erkaklar turmush qurilganiga bir necha yil o‘tganiga qaramay, jinsiy aloqani har kuni, yoki kunda bir necha bor istaydilar. Ular ko‘pincha past bo‘ylik, badanida tuki ko‘p bo‘lgan bo‘ladi. Bunday erkaklar vaqtida ehtiyojlarini qondirmasalar jismonan qiynaladilar.
2. O‘zidan ranjish
Agar ayol kishi erining qadrini bilmay, eriga minnatdor bo‘lishni bilmay, doim muammolar haqida gapirib nolaversa, erkak siqilib, men ayol kishini baxtiyor eta olmas ekanman deb o‘zidan ranjiydi. Shu payt boshqa bir ayol uning harakatlarini, arzimagan ishlarini maqtab, u erkakni ruhan ko‘tarib tursa, u erkak bilan unga qanchalik yaxshi ekanligini gapiraversa, erkak o‘sha "U baxtli qila oladigan ayol" tomon o‘girilib oladi.
Xotin nima qilishi mumkin: doim erining ishini maqtab, qilayotgan yaxshiliklariga minnatdor bo‘lishi kerak. Erining ishxonasida muammolar bo‘lganda uni to‘g‘ri eshita bilib, shu payt uy ro‘zg‘or muammolari bilan erini qiynamasligi kerak. Erini doim tabassum bilan kutib olishi, eri uni doim (jinsiy aloqa davomida ham) naqadar baxtiyor etayotganini bildira olishi kerak.
3. Sifatli jinsiy aloqa
Jinsiy aloqa davomida erkak istagan narsalarni xotinidan so‘ray olmasligi, yoki so‘raganda rad javobi olishi uni xiyonat yo‘liga boshlaydi. Erkaklar jinsiy aloqaga alohida ahamiyat beradilar. Ularning bu borada o‘z istak va orzulari ham mavjud. Agar bu istak-orzularini o‘z xotini amalga oshira olmasa, yoki hotini bundan bosh tortsa, ular boshqa ayol bilan istaklarini amalga oshirishga harakat qiladilar.
Xotin nima qilishi mumkin: avallambor eri bilan jinsiy hayoti haqida gapira olishi kerak. Jinsiy aloqa davomida unga yoqadigan va yoqmaydigan tomonlar haqida gapira olishi lozim. Erining istaklarini eshita olib, bu haqda gapirib, ularni sifatli amalga oshirishga harakat qilishi kerak. Erining bu boradagi talab yoki iltimoslarini rad etmasligi kerak. Lekin shu qatorda o‘z talab va istaklarini bayon eta bilishi kerak. Er - xotin orasida bu boradagi anglashmovchilik butun hayot davomida ular munosabatlariga salbiy ta’sir ko‘rsatib kelishiga olib boradi.
4. Xotinining o‘ziga qaramay qolgani
Ko‘pincha ayolar turmushning boshida o‘ziga qarab yurib, bola tug‘ilgandan keyin eriga yoqimli bo‘lish kerak ekanligi haqida unutib yuboradilar. Bola bilan ovora bo‘lib o‘z ko‘rinishi, muomalasi, yurish-turushi haqida o‘ylamay qo‘yadilar. Bunday holat erkakni biroz sovushiga, yoki xotiniga faqat farzandlari onasi sifatida qaray boshlashiga olib keladi. Xotin er uchun avallambor ayol bo‘lishi kerak.
Xotin nima qilishi mumkin: eringizga yoqimli bo‘lishingiz kerakligi haqida unutmang. Bu degani uyda bo‘yanib, yasanib yurish degani emas. Lekin yirtiq kiyim, kir sochlar, badanning toza emasligi hech bir erkak uchun yoqimli bo‘la olmasligi haqida unutmang.
5. Eriga nisbatan ishonchsizlik
Ayrim xotinlar erini kunda yurish - turushini tekshirib o‘tiradilar. Ishxonaga telefon qilib haqiqatan ishda ekanligini bilib oladilar, uyga kech kelsa tergov qiladilar, aytayotgan so‘zlarida doim xiyonat belgilarini qidirib yuradilar. Bu tergovlar erkakni jahlini chiqarib, xayolida xiyonat fikri umuman bo‘lmagan paytda ham xiyonat qilishga undaydi. Erkak haq ekanligiga amin bo‘lib, unga bo‘lgan ishonchsizlikdan ranjib, agar baribir menga ishonmasa, yomon bo‘la qolay degan fikr bilan, xiyonat qilishi hech gap emas.
Xotin nima qilishi mumkin: eringizga ishoning. Agar kech kelib sizga sababini tushuntirsa, uni ming hil savollar bilan tergamay, ishonishga harakat qiling. Eringiz ishda yoki do‘stlari bilan bo‘lganda qo‘ng‘iroq qilib, so‘roq qilavermang. Yomon xayollaringizni yo‘q qilishga harakat qiling.
6. Ayolning sovuqqonligi
Ayrim ayollar eriga nisbatan jinsiy aloqada sovuqqon bo‘ladilar, jinsiy aloqani burch sifatida qabul qiladilar. Eri so‘raganini berib, o‘zlari tashabbusli bo‘lmaydilar. Erkak uchun esa bu juda muhim. Erkak ham ayoli uchun yoqimli ekanlgini, ayoli ham u bilan birga bo‘lishni istayotganini bilishni xohlaydi. Xotinining sovuqonligi, boshqa ayolning esa unga nisbatan kuchli qiziqishi uni xiyonat yo‘liga boshlaydi.
Xotin nima qilishi mumkin: ba’zida jinsiy aloqaga hotinning o‘zi ham tashabbuskor bo‘lishi kerak. Lekin ba’zida... chunki ayolning nozi bor bo‘lishi va unga doim erkak erishishi kerakligini unutmaslik kerak. Jinsiy aloqaga er tashabbuskor bo‘lsa ham, ayol bunga burch sifatida qaramasdan qiziqish va xohish bilan yondashishi lozim.
7. Bo‘sh erkak
Xotin uyda boshliq bo‘lib olib, eriga nisbatan ko‘p pul topib, buni ta’na qilsa, uyda bolalari oldida erining hurmatini joyiga qo‘ymasa, erkak boshqa, uni hurmat qiladigan, ayolga zor bo‘ladi. Erkak oilada bo‘sh ekanligidan ranjib, boshqa ayolni, ya’ni erkakni kuchli va hurmatli qilib ko‘rsatadigan ayolni izlaydi. U ayol bilan o‘zini zo‘r deb his etadi.
Xotin nima qilishi mumkin: erining hurmatini, ayniqsa bolalari oldida joyiga qo‘yishi kerak, eridan ko‘ra ko‘p pul topsa, uni ta’na qilmasligi va eriga minatdor bo‘la olishi kerak, undan tashqari jinsiy aloqada ham erini kamsitmasligi lozim.
8. Qasos
Ayol xiyonat qilsa erkak qasos uchun xiyonat qiladi.
Xotin nima qilishi mumkin: xiyonat qilmang.
9. Erkak krizis davri
Qirq yoshdan o‘tgach erkaklarda krizis davri boshlanadi. Bunda ular biroz kuch yo‘qotganligini his etib, siqilishni boshlaydilar. Shunda ayrimlari ishga beriblib ketsalar, ayrimlari boshqa yoshroq ayolni izlab, ular bilan "yosharish" istagida bo‘ladilar.
Xotin nima qilishi mumkin: agar er krizisdan bunday yo‘l bilan qutulishni tanlagan bo‘lsa, u holda kutish kerak, yaxshi, suyukli yor bo‘lib qolish kerak. Krizis o‘tadi, er esa qilgan xatosini o‘zi anglab yetadi. Agar o‘sha davrda janjal qilib erini to‘g‘ri yo‘lga boshlamoqchi bo‘lsa, eridan ajralib qolishi mumkin.
10. Qattiq ruhiy siqilish
Erkak ishda qandaydir katta muammoga duch kelib, psixologik depressiyaga tushib qolsa, yonida unga dalda bo‘luvchi inson kerak. Xotini bunday inson bo‘la olmasa, chetda boshqa ayol bo‘la olishi mumkin.
Xotin nima qilishi mumkin: er uchun dalda bo‘la olish kerak, "yiqilganda" qo‘l uzata olishi, siqilganda malham bo‘la olishi, ruhini ko‘tara olishi kerak.
Albatta bu sabablar xiyonatning barcha sabablari emas, balki asosiylaridir. Ayol erini sevib, unga doim hurmat bilan qarab, qilgan har bir harakati uchun ichida bo‘lsa ham, eriga bildirib ham minnatdor bo‘la olsa, erini baxtiyor etish istagida bo‘lsa, eri unga xiyonat qilmaydi, adashib qolsa ham, hotini yoniga qaytadi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik rohibning o‘limida gumonlanayotgan o‘zbekistonliklar ushlandi
Qirg‘iziston budjetiga korrupsionerlardan misli ko‘rilmagan miqdorda mablag‘ qaytarildi
Slovakiya bosh vaziri Putinning taklifini qabul qildi
Isroillik ravvinni o‘ldirishda gumonlangan uch kishi ushlandi
Netanyaxu Livanda o‘t ochishni to‘xtatishga rozi bo‘ldi
Putinning yadroviy ogohlantirishi — "Oreshnik" nimalarga qodir?
Mashhur kosmetolog Krishtianu Ronalduni sudga berdi
