Foto: «Domashniy ochag»
Eng yaxshi quruq mevalardan hisoblangan olxo‘ri qoqi immunitet, oshqozon-ichak trakti va suyaklar mustahkamligi uchun muhim sanaladi.
Suyaklarni mustahkamlaydi
Olxo‘ri menopauzani boshidan o‘tkazayotgan ayollar uchun eng yaxshi mahsulot. Bu vaqtda kalsiy faol yo‘qotilgani hisobiga suyaklar mo‘rtlashadi, osteoporoz xavfi ortadi. Tabiiyki, birgina ushbu mahsulotni iste’mol qilish muammoga yechim bo‘lmaydi, ammo olxo‘ri qoqini muntazam ravishda iste’mol qilish suyak va bo‘g‘imlar ahvolini sezilarli darajada yaxshilab, mustahkamlaydi. O‘tkazilganiga ko‘p bo‘lmagan tadqiqotda yarim yil davomida kuniga 5-6 dona ushbu mahsulotni iste’mol qilgan ayollarda tengdoshlariga nisbatan ko‘proq suyak to‘qimalari yo‘qolgani aniqlangan. Yarim yil davomida har kuni 10-12 dona iste’mol qilish esa suyak to‘qimalarini mustahkamlab, regeneratsiya xususiyatini yaxshilaydi.
Xolesterinni kamaytirib, yurakni mustahkamlaydi
Menopauza yurak faoliyatiga ham ta’sir qilmay qolmaydi. Bu vaqtda qon tomirlar va yurakni himoya qiladigan hamda xolesterin miqdorini nazorat qiladigan estrogen kam miqdorda ajraladi. Kaliforniya universiteti mutaxassislarining Devisda o‘tkazgan tadqiqotlarida har kuni 12 dona olxo‘ri qoqi iste’mol qilgan «yomon» xolesterin miqdori yuqori bo‘lgan kishilarda ushbu ko‘rsatkich sezilarli, ya’ni zararsiz miqdorgacha kamaygani aniqlangan.
Ichaklar faoliyati yaxshilanadi
Ushbu mahsulotda ichaklarning me’yoriy faoliyati uchun muhim bo‘lgan kletchatkalar bisyor bo‘ladi. Shuningdek, uning iste’moli qabziyatda ham yaxshi yordam beradi.
Yallig‘lanishda yaxshi yordam beradi
Antioksidant hisoblangan olxo‘ri qoqi tarkibida yallig‘lanish jarayonini kamaytiradigan va DNKni zararlanishdan himoya qiladigan polifenollar bisyor.
Kuniga nechta olxo‘ri qoqi yeyish kerak?
Kuniga 50 gramm, ya’ni 5-6 dona iste’mol qilish tavsiya qilinadi. Ratsionida kletchatkalar yetarli bo‘lmaganlarga esa kunning birinchi qismida 1-2 dona meva yeyish, och qoringa iste’mol qilmaslik kerak. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Eron Afg‘oniston bilan chegarasida beton devor qurishni boshladi
Ukraina Qrimga ATACMS raketalari bilan hujum qildi
U23 Osiyo Kubogi yarim final bahsi. Yaponiya ikkinchi finalchiga aylandi!
Samarqandda haydovchidan pora so‘ragan YPX xodimlari ishdan bo‘shatildi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi