Morgenshtern bloger Dilara Zinatullinaga uylandi. Reper kelinni olib ketgani Nexia’da keldi

^{Foto: Instagram / @influesii}
Rossiyalik reper Morgenshtern Dilara Zinatullina ismli blogerga uylandi. Nikohni qayd etish marosimi Moskvadagi «ZAGS»lardan birida bo‘lib o‘tgan. Bu haqda to‘yda boshlovchilik qilgan Kseniya Sobchak o‘zining Instagram’dagi sahifasi orqali ma’lum qildi, deb yozadi Esquire.

To‘y marosimi unga qadar bo‘lgan jarayonlar kabi «oddiy rus to‘yi»ga hazil sifatida o‘tgan. Morgenshtern Dilaraning oldiga chupa-chupslardan yasalgan guldastani ko‘tarib kelib, uning uyi derazasi ostidan turib baqirgan va uy pod’ezdidagi to‘y tashkilotchlaridan kelinni «sotib olgan».

Juftlikning to‘y kortejidan Daewoo Nexia (Morgenshteren mingan birinchi mashinalardan biri) va limuzin o‘rin olgan.

«ZAGS» va kelinning uyidagi to‘ydan tashqari marosim Taras Shevchenko qirg‘og‘idagi teploxodda bo‘lib o‘tgan. Kemaga kelin-kuyovning ismlari yozilgan plakat ilinib, «AD» ismlarining bosh harflari tushirilgan.

^{Foto: Telegram / @LifeShot}
Eslatib o‘tamiz, Dilara Zinatullina Morgenshternga iyun oyining oxirida sinagogada oila qurish taklifini bergandi.

Ma’lum bo‘lishicha, Alisher va Dilaraning munosabatlari 2017 yilda boshlangan. 2019 yilda reperning munosabatlarni e’lon qilish taklifi Dilaraga yoqmagan va ular barchasiga nuqta qo‘ygan. 2020 yilga kelib esa juftlik qayta topishgan. “Zamin” yangiliklarini “Facebook”da kuzatib boring