Erkaklar uchun ozishga yordam beruvchi meva nomi ma’lum bo‘ldi

Amerikalik olimlar o‘tkazgan tadqiqotga ko‘ra, maymunjon mevasi erkaklarda yog‘lar erishiga va sog‘lom ozishga yordam beradi. Bu haqida Biotexnologik axborotlar milliy markazi (NCBI) xabar berdi.

Olimlarning ta’qidlashicha, tarkibida ko‘p miqdordagi antotsianlar polifenol tufayli maymunjon mevasi erkaklarda insulinga ta’sirchanlikni oshiradi va moddalar almashinuvini me’yorlashtiradi. Bunday moddalar qizil, binafsha va ko‘k rangli mevalarda ham bor. Bundan tashqari maymunjonda kletchatka ko‘p bo‘lib, bu sog‘lom ozish uchun nihoyatda zarur. Yaxshi samaraga erishish uchun parhezshunoslar har kuni yarim stakan yangi uzilgan maymunjon iste’mol qilishni tavsiya qiladi.

Tadqiqotda 27 ta erkak ko‘ngilli sifatida ishtirok etgan. Ishtirokchilarning kunlik ratsioniga 600 gramm muzlatilgan maymunjon ( bir kunda 2 porsiyaga bo‘lib 300 grammdan) iste’mol qilish kiritilgan. Bundan tashqari, ko‘p yog‘li parhez ham kiritilgan bo‘lib, unda 40% - yog‘, 45% - uglevod, 13% - oqsil iste’mol qilish kerak bo‘lgan. Ishtirokchilar ratsionidan qizil va binafsharang meva-sabzavotlar chiqarib tashlangan. Jismoniy mashqlar esa yugurish yo‘lakchasida 30 daqiqalik sekin yurish mashqlariga almashtirilgan.

Sinovlar yetti kun bo‘lib o‘tgan. Bu vaqt davomida ishtirokchilarda insulinga ta’sirchanlikning oshgani va ortiqcha yog‘larning oksidlangani kuzatilgan.

Erkaklar uchun1, Ozishga yordam beruvchi1, Meva nomi1, Maymunjon mevasi1 “Zamin” yangiliklarini “Odnoklassniki”da kuzatib boring