Muntazam ravishda suli yormasi iste’mol qilinsa, organizmda qanday o‘zgarish yuz beradi

^{Foto: Cosmopolitan}
Suli yormasi foydali xususiyatlari butun dunyo bo‘ylab shifokor va olimlar tomonidan bir necha bor e’tirof etilgan. Ushbu yorma foydali xususiyatlari bilan eng yaxshi mahsulotlaridan biri hisoblanadi.

Diyetolog Reyo Laatikaynenning so‘zlariga ko‘ra, suli, albatta, mo‘’jizaviy mahsulot emas, lekin baribir eng yaxshi donlardan biri. Mutaxassis uni sendvich bilan almashtirishni tavsiya qiladi.

Suli yormasining qanday foydali tomonlari bor?

Xolesterinni kamaytiradi
Suli yormasining asosiy afzalliklaridan biri shundaki, u qondagi xolesterin darajasiga ijobiy ta’sir ko‘rsatadi. Gap shundaki, uning tarkibida yomon xolesterinni normallashtirishga yordam beradigan beta-glyukan mavjud. Suv bilan birgalikda don xolesterinning ingichka ichakka so‘rilishiga to‘sqinlik qiluvchi moddani hosil qiladi.

Qonda shakar darajasini me’yorlashtiradi
Suli yormasi tarkibida mavjud bo‘lgan beta-glyukanlar nafaqat xolesterin, balki qonda shakar miqdoriga ham ta’sir qiladi, bu ichaklarda ovqat hazm qilishni sekinlashtiradi. Shunday qilib, ovqatlanish paytida glyukoza darajasi sezilarli darajada oshadi. Yorma esa uni kamaytirishga yordam beradi. Bu juda muhim xususiyatdir, chunki glyukozaning oshishi organizmni zo‘riqtiradi, samaradorlikni pasaytiradi va umumiy holatni yomonlashtiradi.

Ichak faoliyatini yaxshilaydi
Suli yormasining eng mashhur foydasi shundaki, ichakning normal ishlashi va metabolizm uchun zarur bo‘lgan kletchatkaga boy. Shu bilan birga, suli deyarli hech qanday kontrendikatsiyaga ega emas: lekin, albatta, oshqozon-ichak trakti kasalliklari bilan og‘rigan odamlar iste’mol qilishda me’yorga ahamiyat berishi kerak.

Vazn saqlashga yordam beradi
Birinchidan, normal glyukoza darajasi uzoq vaqt davomida to‘qlik hissini beradi va ishtahani bo‘g‘adi. Shunga ko‘ra odam kamroq ovqatlanadi va sekinroq semiradi. Mahsulot tarkibidagi kletchatka esa metabolizmni tezlashtiradi. “Zamin” yangiliklarini “Twitter”da kuzatib boring