Jahon banki O‘zbekistonga chorvachilik sohasini rivojlantirish uchun 240 million dollar miqdorida sarmoya kiritadi. Bu haqda Veterinariya va chorvachilikni rivojlantirish qo‘mitasi xabar berdi.
Ma’lum qilinishicha, 14—15 mart kunlari ikki tomon o‘rtasida “O‘zbekistonda chorvachilik sohasini rivojlantirish” ikkinchi bosqich loyihasi bo‘yicha muzokaralar bo‘lib o‘tgan. Unga ko‘ra, muddati 2023—2028 yillarga mo‘ljallangan loyiha doirasida mamlakat chorvachilik tarmog‘iga imtiyozli kredit mablag‘lari yo‘naltiriladi.
Xususan, loyihani amalga oshirish doirasida:
- chorvachilik fermer va dehqon xo‘jaliklarini hamda qishloq xo‘jaligi korxonalarini qo‘llab-quvvatlash;
- chorvachilikda barqaror ishlab chiqarish salohiyatini oshirish;
- sohada zamonaviy texnologik ish usullarini joriy etish;
- yangi ish o‘rinlari tashkil etish orqali qishloq aholisining turmush darajasini yaxshilash;
- chorvachilik sektori daromadlarini oshirish ko‘zda tutilgan.
“Yuqoridagi loyihani amalga oshirish mamlakatimizda oziq-ovqat xavfsizligini ta’minlash, aholini sifatli, xavfsiz va hamyonbop chorvachilik mahsulotlari bilan ta’minlashda muhim ahamiyat kasb etadi”, — deyiladi qo‘mita xabarida.
Ta’kidlanishicha, ushbu loyiha may oyida Jahon banki direktorlar kengashi tomonidan ma’qullanishi kutilmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Italiyaning Sardiniya orolida uylar 1 yevrodan sotilmoqda, lekin...
