Respublikaning sug‘oriladigan yer maydonlarida kuzgi bug‘doy hosili joriy yil favqulodda serhosil bo‘ldi. Kanalda berilgan savolga javoblardan shu to‘xtamga kelish mumkin.
To‘g‘ri, suv yetishmovchiligi bilan bog‘liq Qashqadaryo, Buxoro, Xorazm viloyati aksar sug‘oriladigan yer maydonlarida g‘alla hosili ko‘ngildagidek emas. Ammo, boshqa hududlar, xususan, vodiy, janub Surxondaryo, Mirzacho‘l, Chirchiq-Ohangaron havzasi yer maydonlarida don hosili keskin ko‘payib ketdi. Vodiyda dehqonlar 80-90 s/ga hosildorlikni guvohi bo‘lmoqda.
Bunga sabab etib asosan qish chillasidagi anomal sovuq va bug‘doy zang kasalliklarini "chaqirmaydigan" yog‘insiz barqaror isib borgan bahor mavsumini keltirib o‘tish mumkin. Va albatta bug‘doy navlari ustida o‘tkazilgan seleksiya yutuqlari hamda sug‘orishni ma’romiga yetkazib bajarish ishlarini ta’kidlash ham kerak.
Adashmasam, 2022-2023 yil kuz-qish hamda bahor mavsumi bug‘doy vegetatsiyasi uchun ilmiy qoidalardagi komfort iqlimiy muhitni tuhfa etdi. Bizning mintaqada o‘rik va bug‘doy hosili bir mavsumda yuqori kuzatilgan kamdan kam davrdan birini ulashdi. Chunki, xalqimiz orasida "bug‘doy yaxshi bo‘lsa, o‘rik, o‘rik yaxshi bo‘lsa bug‘doy yaxshi bo‘lmaydi", degan naql yuradi.
Qish chillasidagi sovuq anomaliyasi to‘satdan tabiatni qayta kashf etdi. Zararkunandalarsiz va haroratning bir maromda isib borishi (keskin sovuq oqimning kirib kelmasligi) juda ko‘p qishloq xo‘jalik mahsulotlarida yaxshi hosildorlikni ulashdi.
Eslab qolamiz, La-Ninoning so‘nggi bosqichi aynan bahor mavsumiga to‘g‘ri kelishi bizda shu kabi manzaralarni hosil qilishi mumkin ekan. Va albatta, aynan qish chillasida bitta anomal sovuq omili bilan birgalikda kuzatilishi.
Ammo, shunga qaramay, qurg‘oqchilik va kam yog‘in issiq bahor mavsumi lalmi yer maydonlaridagi g‘alla hosilini keskin kamaytirib yubordi.
Erkin Abdulahatov
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
