Chernogoriya O‘zbekistondan sabzavot va to‘qimachilik mahsulotlari sotib olishni kengaytiradi

^{Foto: IA «Dunyo»}
O‘zbekiston elchisi Oybek Shaxavdinov Chernogoriya bosh vazirining o‘rinbosari – qishloq xo‘jaligi vaziri Vladimir Yokovich bilan uchrashdi.

Muzokaralar chog‘ida O‘zbekiston va Chernogoriya o‘rtasidagi savdo-iqtisodiy va investitsiyaviy hamkorlik istiqbollari muhokama qilindi.

Tomonlar bu borada amalga oshirilmagan salmoqli salohiyat mavjudligini qayd etishdi.

O‘zaro manfaatli barcha ustuvor yo‘nalishlarda iqtisodiy hamkorlikni kuchaytirish bo‘yicha chora-tadbirlar ko‘rish bo‘yicha kelishuvga erishildi.

Muloqot chog‘ida qishloq xo‘jaligi sohasidagi ikki tomonlama hamkorlikka alohida e’tibor qaratildi.

Chernogoriya tomoni mamlakat bozoriga O‘zbekiston sabzavot va to‘qimachilik mahsulotlari importini kengaytirishga tayyorligini bildirdi. “Zamin” yangiliklarini “Telegram”da kuzatib boring