Britaniyadagi tadbirkor vatandoshlar O‘zbekiston iqtisodiyotiga investitsiya kiritadi

^{Foto: Dunyo}
O‘zbekiston elchixonasida Britaniyadagi Moneff va Conspectus UK Limited kompaniyalari asoschilari, vatandoshlar Sanjar Mavlonov va Dilshod Mixmanov bilan uchrashuv bo‘lib o‘tdi.

Ular yurtda biznesni rivojlantirish uchun yaratilgan imkoniyatlardan foydalanib O‘zbekiston iqtisodiyotiga to‘g‘ridan to‘g‘ri investitsiya kiritishni davom ettirishlarini bildirishdi.

Ma’lum qilinishicha, o‘tgan 6 yil davomida Yangi O‘zbekistonda turli loyihalar amalga oshirilgan. Bugungi kunda esa Qashqadaryo viloyatida 2025 yilga qadar mini-GESni qurish va uni ekspluatatsiyaga topshirish maqsad qilingan.

Sanjar Mavlonov va Dilshod Mixmanov Buyuk Britaniyada yashaydigan asli o‘zbekistonlik tadbirkorlar hisoblanadi. 2016 yilda yurtdoshlar tomonidan Moneff fintex kompaniyasiga asos solingan. Kompaniya Britaniya va Daniyada EMI (elektron pul muassasasi) litsenziyasiga ega. Moneff banklar va moliyaviy muassasalar uchun texnologik yechimlarni taqdim etadi. “Zamin” yangiliklarini “Instagram”da kuzatib boring