Markaziy bank 30 may kuni uchun valyutalarning yangi qiymatini e’lon qildi

Dollar bilan nima bo‘lyapti? Bugun AQSh dollari kursi ketma-ket uchinchi kun pasayishi kutilmoqda. Agar bu yuz bersa, umumiy tushish 170 so‘m yoki 1,3%ni tashkil etadi. Bankir telegram kanali deb yozmoqda, rasmiy kurs 12 770 so‘mga tushadi — bu 2024 yil oktabrdan beri eng past ko‘rsatkich hisoblanadi.

Ya’ni, 2025 yilda o‘zbek so‘mi AQSh dollariga nisbatan mustahkamlanmoqda.

Bankir’ning tahliliga ko‘ra, bunga bir nechta sabablar bor:

- Dollar indeksi global miqyosda so‘nggi yillardagi eng past darajada. Bu dollarning umumiy qadrsizlanishini va so‘mning nisbiy kuchayishini anglatadi.

- Pul o‘tkazmalari birinchi chorakda 32%ga oshib, 3,3 mlrd dollarni tashkil etdi. Bu ichki valuta zaxirasini mustahkamlaydi.

- Bu o‘sishga sabab bo‘layotgan yana bir omil — rublning dollarga nisbatan mustahkamlanishi.

- To‘g‘ridan-to‘g‘ri xorijiy investitsiyalar 2024 yilda 53%ga ko‘payib, 11,9 mlrd dollarga yetdi.

- Bundan tashqari, oltin narxining oshishi, valyuta zaxiralarining rekord darajaga chiqishi, hamda importning eksportga nisbatan sekinroq o‘sayotgani ham so‘mni qo‘llab-quvvatlayapti.

Xulosa: so‘mning mustahkamlanishi nafaqat ichki, balki global omillar bilan bog‘liq, deb yozmoqda Bankir telegram kanali.