2025 yilning birinchi yarmida UzAuto Motors kompaniyasining sof foydasi 1,38 trln so'mni tashkil qildi. Bu ko'rsatkich o'tgan yilning shu davriga nisbatan 27,5%ga kamaygani qayd etilmoqda, deb @latipovjahongir Telegram kanali xabar berdi.
Shu bilan birga, kompaniyaning umumiy daromadlari ham 9,5%ga kamayib, 21,2 trln so'mni tashkil etdi. Ichki bozordagi ulush esa 90,2%dan 82,2%ga tushdi.
Bunga asosiy sabablar sifatida Kia, BYD, Haval va boshqa raqobatchi brendlar savdosi ortishi, yoqilg'i narxlari va navbatlar sabab elektromobillarga qiziqish oshgani, hamda ikkilamchi bozorda narxlarning tushishi qayd etilmoqda.
Shu bilan birga, 2025 yil II choragida foyda miqdori 759 mlrd so'mgacha o‘sdi. Bu holat 1 maydan elektromobillar uchun utilizatsiya yig‘imi oshirilgandan keyin mahalliy avtomobillarga talab ortishi bilan izohlanadi.
“Zamin”ni Telegramʻda oʻqing!
