O‘zbekiston Respublikasi Markaziy banki 12 fevral kuni amal qiladigan xorijiy valyutalarning so‘mga nisbatan rasmiy qiymatlarini e’lon qildi. Kunning asosiy syurprizi — dollar va yevro pasaydi, oltin esa aksincha, yana yuqoriladi.
Rasmiy ma’lumotlarga ko‘ra, AQSH dollari kursi 22,68 so‘mga pasayib, 12 287,31 so‘mni tashkil qildi.
Yevro ham orqada qolmadi: kurs 22,21 so‘mga tushdi va 14 644,02 so‘m etib belgilandi.
Rossiya rubli 0,28 so‘mga arzonlashib, 159,64 so‘mni tashkil etdi. Xitoy yuani ham 3,08 so‘mga pasaydi va 1778,14 so‘m darajasida qayd etildi.
Oltin esa “o‘z yo‘lida”: 1 gramm narxi 6 ming 300 so‘mga oshib, 2 mln 59 ming 500 so‘mga yetdi. Ya’ni kim oltinga ishongan bo‘lsa, hozir “men aytgandim” deyishga haqli.
Shu orada kriptovalyuta bozorida ham pasayish kuzatildi. “TradingView” ma’lumotiga ko‘ra, bugun, 11 fevral kuni Toshkent vaqti bilan 16:00 holatida bitkoin kursi 29 mln 639 ming 445 so‘mga tushgan va 817 mln 724 ming 424 so‘m etib belgilangan.
Odatda bunday o‘zgarishlar fonida bozorda harakat kuchayadi. Shu uchun yaqin kunlarda ham kurslarda mayda tebranishlar bo‘lishi ehtimoli bor — yangilangan raqamlarni kuzatib borish foydadan xoli emas.
“Zamin”ni Telegramʻda oʻqing!
