Qozog‘istonning xorijiy sarmoyadorlarni jalb etish hamda ular bilan ishlash bo‘yicha milliy operatori «Kazakh Invest milliy kompaniyasi» AJ O‘zbekistonga savdo missiyasini tashkil etmoqda.
Kazakh Invest matbuot xizmati ma’lumotiga ko‘ra, missiya Toshkentda 2017 yilning 4-6 oktyabr kunlari bo‘ladi. Missiyada Qozog‘istonning 20 dan ortiq kompaniyalari ishtirok etadi.
Qozog‘iston missiyasining O‘zbekistonga tashrifi masalalari Kazakh Invest, «O‘zekspomarkaz» Milliy ko‘rgazma kompaniyasi va O‘zbekiston Savdo-sanoat palatasi vakillari o‘rtasidagi muzokaralarda muhokama qilindi.
Uchrashuv davomida ikki davlatning savdo-iqtisodiy hamkorligi masalalari ham tilga olindi.
«O‘zbekiston Qozog‘istonning qayta ishlangan mahsuloti eksporti uchun eng ustuvor davlatlardan biridir. 2016 yilda O‘zbekiston va Qozog‘iston o‘rtasidagi tashqi savdo aylanmasi 1,5 mlrd dollarni tashkil etdi, ulardan Qozog‘istondan eksport hajmi – 923 mln dollarga teng bo‘ldi. Kazakh Invest mahalliy mahsulotlarni O‘zbekiston bozoriga ilgari surish bo‘yicha doimiy ish olib bormoqda», - deya ta’kidlab o‘tdi Kazakh Invest Milliy kompaniyasi boshqaruvchi direktori Asqar Arinov.
Uning ma’lumotlariga ko‘ra, 80 dan oshiq qozoq ishlab chiqaruvchilari ishtirokida O‘zbekistonga 4 ta savdo missiyasi o‘tkazilgan. Ular orasida mashinasozlik, kimyo, qurilish, farmasevtika, oziq-ovqat, metallurgiya va qadoqlash sohasi vakillari bo‘lgan.
«Missiyalar yakuni bo‘yicha qariyb 47 mln dollarlik qiymatga ega shartnomalar imzolandi. Biz erishilgan natijalarda to‘xtash niyatida emasmiz va qozoq-o‘zbek savdo munosabatlarini mustahkamlashda davom etamiz. Ayni damda Qozog‘istonning 20 dan ortiq ishlab chiqaruvchisi O‘zbekistonda o‘z mahsulotini taqdim etishga qiziqish bildirgan. Shu sababdan joriy yilning 4-6 oktyabr kunlari Toshkent shahrida savdo missiyasini tashkil etish haqida kelishuvga erishildi», - deya qo‘shimcha qilib o‘tdi Arinov. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Endi operatsiyadan so‘ng kesmalar o‘rni ikki barobar tezroq bitishi mumkin