2 036
Yevropa Ittifoqi O‘zbekistonga COVID-19'ga qarshi kurashish uchun 2 mln yevro ajratdi
Yevropa Ittifoqi O‘zbekistonda COVID-19’ga samarali, tez va muvofiqlashtirilgan javob qaytarish choralariga bag‘ishlangan loyihaga 2 million yevro ajratdi.
Jahon sog‘liqni saqlash tashkilotining mamlakatdagi vakolatxonasi tomonidan amalga oshiriladigan loyiha, eng avvalo, tibbiyot muassasalarining tibbiy va birinchi bo‘g‘in xodimlariga shaxsiy himoya vositalarini taqdim qilishga alohida urg‘u beradi.
Bugungi kunda O‘zbekistondagi mavjud deyarli barcha shaxsiy himoya vositalari (SHHV) COVID-19’ga chalingan bemorlarni va ular bilan aloqa qilganlarni aniqlash, saralash, tekshirish, yakkalash va davolash uchun ishlatiladi. Bu hol COVID-19 gumon qilingan yoki tasdiqlangan holatlardan tashqari boshqa bemorlarga, masalan, tug‘ruqxona, sil va OITV klinikalari, stomatologiya, poliklinika va shu kabilarda xizmat ko‘rsatayotgan tibbiy xodimlarning katta qismini himoyasiz qoldirmoqda.
Yevropa Ittifoqi vakolatxonasining xabar berishicha, JSST tavsiya qilgan SHHVni nafaqat COVID-19’ga chalingan bemorlar bilan ishlayotgan tibbiy xodimlar uchun, balki boshqa sog‘liqni saqlash xizmat va muassasalaridagi tibbiy xodimlar uchun ham xarid qilish COVID-19 tarqalishini kamaytirishda muhim ahamiyat kasb etadi.
- Tibbiy xodimlar har kunimizning qahramonlaridir va bizni himoya qilayotganda ular xavfsiz ishlay olishiga biz amin bo‘lishimiz shart. Ushbu loyiha O‘zbekistonga pandemiyaga javob choralari doirasida Yevropa hamjamiyati ajratgan 36 million yevro yordamining asosiy qismini o‘zida mujassam etadi, - dedi Yevropa Ittifoqining O‘zbekistondagi muvaqqat ishlar vakili Yussi Narvi.
- Yetarli darajada xarid qilingan sifatli shaxsiy himoya vositalari mamlakatdagi barcha tibbiy xodimlarga yetkazish uchun yetarlicha bo‘lib, bu tibbiy xodimlar orasida kasallik tarqalishi tufayli yana yo‘qotishlar ro‘y berishining oldini olishga va aholi orasida COVID-19 holatlarini kamaytirishga xizmat qiladi, - dedi JSSTning O‘zbekistondagi vakolatxonasi rahbari Lianne Kuppens.
Yevropa Ittifoqining moliyaviy ko‘magi va O‘zbekiston Sog‘liqni saqlash vazirligining yaqindan hamkorligi natijasida loyiha keyingi 2 yilga mamlakatdagi barcha tibbiy xodimlar uchun yetarli miqdorda va yuqori sifatli SHHV sotib olish orqali infeksiyalar profilaktikasi va infeksion nazorat choralarini mustahkamlaydi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Putin Ukrainadagi obyektga ballistik raketa zarbasi berilganini e’lon qildi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
