Foto: «Trend.az»
S&P Global Ratings xalqaro kredit reyting agentligi O‘zbekistonning uzoq va qisqa muddatli suveren kredit reytingi bo‘yicha navbatdagi hisobotini e’lon qildi. Unga ko‘ra, O‘zbekiston suveren kredit reytingi «BB-» (reyting prognozi: «salbiy») darajasida saqlanib qolingan.
Ushbu prognoz hukumatning tashqi qarzi tez sur’atlarda o‘sishda davom etishi mumkinligini aks ettiradi.
S&P prognoziga ko‘ra, kelgusida quyidagi sabablar reytinglarning yanada yomonlashishiga olib kelishi mumkin:
- o‘rta muddatlarda iqtisodiy o‘sish va to‘lov balansining joriy hisobi tushumlarining ortishi natijasida tashqi qarz, jumladan, davlat qarzi o‘sish sur’ati sekinlashsa;
- O‘zbekistonning global iqtisodiyotga integratsiyalashuvi va davlat korxonalari islohoti iqtisodiyot o‘sish salohiyatining va davlat korxonalari moliyaviy ahvoli yaxshilanishiga olib kelsa;
- byudjet tushumlarining bazasi va eksport tarkibi diversifikatsiya qilinsa.
Agentlikning ta’kidlashicha, mamlakatning tashqi iqtisodiy mavqeyi reytinglardagi taqqoslanishi mumkin bo‘lgan mamlakatlarga nisbatan yetarlicha kuchli bo‘lib qolmoqda. Hukumatning sof qarzi pastligicha qolmoqda va reytinglar darajasini saqlab turibdi.
Shuningdek, hisobotda hukumat islohotlarni amalga oshirish va vazifalarni bajarish borasida muvaffaqiyatga erishgani, ammo rivojlanishni past darajadan boshlashga majbur bo‘lganligi aytilgan.
Avvalroq davlatning jami qarzi 2021 yil oxiriga borib 28,4 milliard dollarga yetishi prognoz qilingan edi. O‘sish dinamikasiga qaramay, davlat qarzi o‘rtacha darajada, makroiqtisodiy barqarorlik uchun xavfsiz darajada (60 foiz atrofida) saqlanib qolmoqda.
2020 yilda davlat qarzining o‘sishi (kutilgan 22,8 milliard dollarga yoki YaIMning 39 foizi) koronavirus pandemiyasining salbiy oqibatlarini bartaraf etish uchun qo‘shimcha byudjet xarajatlarini moliyalashtirish uchun jalb etilgan. Ushbu maqsadlar yo‘lida Xalqaro moliya institutlarining imtiyozli kreditlari hisobidan Inqirozga qarshi kurashish jamg‘armasi tashkil etildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
