Shavkat Mirziyoyev Uzbekistan GTL zavodi ochilish marosimida so‘zlagan nutqi yakunida zavod qurilishi haqida so‘zladi va bu jarayonda qatnashganlarga minnatdorlik bildirdi.
«To‘g‘risi, biz GTL loyihasini boshlaganimizda ko‘pchilik buni uddalashimizga shubha bilan qaragan edi. Lekin biz qat’iy intilish va mashaqqatli mehnatimiz bilan barchamiz birgalikda murakkab sinov va qiyinchiliklarni yengib o‘tib, mana shunday yangi va zamonaviy, yuqori texnologik majmuani barpo etishga erishdik. Bu bilan har qancha faxrlansak, arziydi.
Ayniqsa, koronavirus pandemiyasi davrida xorijdan mutaxassis va uskunalar keltirish, qurilish maydonida 10 mingdan ortiq ishchining sog‘lig‘i va xavfsizligini ta’minlash, albatta, oson bo‘lgani yo‘q.
Ammo hamjihatlik bilan o‘z vaqtida amalga oshirgan zarur chora-tadbirlarimiz natijasida ushbu muhim loyiha bo‘yicha ish pandemiya davrida ham biror kun to‘xtamadi.
Mehnatkash, serg‘ayrat va fidoyi quruvchi va muhandislar, tajribali mutaxassislar, minglab matonatli ishchilar karantin talablariga qat’iy amal qilib, uzoq vaqt oilasi, yaqinlaridan olisda ishlab, haqiqiy qahramonlik namunasini ko‘rsatdi», — dedi davlat rahbari.
Prezident zavod qurilishida ishtirok etgan barcha muhandis va quruvchilarga, loyihani amalga oshirishga ko‘maklashgan xorijiy hamkorlarga minnatdorlik bildirdi.
«GTL zavodi va Sho‘rtan gaz-kimyo majmuasini kengaytirish bo‘yicha loyihalar Yangi O‘zbekistonda yangi sanoat davrini yaratish yo‘lidagi ilk yirik qadamlarimizdan biridir.
Biz qancha og‘ir bo‘lmasin, mamlakatimizni rivojlangan davlatlar qatoriga olib chiqish va xalqimiz uchun munosib turmush darajasini yaratish yo‘lida marrani baland olib ishlash va yashashga o‘rgandik.
Yangi yil ostonamizda eshik qoqib turgan ushbu quvonchli lahzalarda, barcha yutuqlarimizning ijodkori va bunyodkori bo‘lgan mehnatkash, mard va olijanob xalqimizga, sanoat sohasining jonkuyar va fidoyi ishchi-xodimlariga chuqur ehtirom bilan ta’zim qilaman», – dedi davlat rahbari va barchani kirib kelayotgan yangi – 2022 yil bilan muborakbod etdi.
Shundan so‘ng Shavkat Mirziyoyev GTL zavodi faoliyatiga start berdi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Ukrainadagi urush uchun Rossiyaga snaryadlar yetkazib bermoqda
Dunyodagi sayohat qilish uchun eng arzon va eng qimmat davlatlar
Eron oliy rahbari Yaqin Sharqni Isroilga qarshi isyon ko‘tarishga chaqirdi
Harvard talabalari smart ko‘zoynak yordamida begonalarning shaxsini aniqlashga muvaffaq bo‘ldi
Argentina Malvin (Folklend) orollarini qaytarib olmoqchi
Gvatemalada o‘zbek migrantlari kontrabandasi bilan shug‘ullangan politsiyachilar hibsga olindi
Karvaxalni “sindirgan” raqibi unga murojaat qildi...
Makron Isroilga qurol yetkazib berishni to‘xtatishga chaqirdi
