O‘zbekistonning tashqi savdodagi top 10 hamkorlari nomi ma’lum bo‘ldi

O‘zbekistonning 2021 yil yanvar—noyabr oylarida tashqi savdo aylanmasidagi eng yirik 10 ta hamkor davlati nomi ma’lum bo‘ldi. Bu haqda Davlat statistika qo‘mitasi xabar berdi.

Qayd etilishicha, ro‘yxat boshida 6,7 milliard dollarlik savdo aylanmasi (eksport — 2,3 milliad dollar, import — 4,4 milliard dollar) bilan Xitoy o‘rin olgan. Keyingi o‘rinlardan Rossiya (6,6 milliard dollarlik savdo aylanmasi; eksport — 1,9 milliard dollar, import — 4,7 milliard dollar) va Qozog‘iston (3,5 milliard dollarlik savdo aylanmasi; eksport — 1,0 milliard dollar, import — 2,5 milliard dollar) joy olgan.

Keyingi pog‘onalar quyidagicha ko‘rinish olgan:
- Turkiya (savdo aylanmasi – 3,0 milliard, eksport – 1,5 milliard, import – 1,5 milliard dollar);
- Koreya (savdo aylanmasi – 1,7 milliard, eksport – 46 million, import – 1,6 milliard dollar);
- Qirg‘iziston (savdo aylanmasi – 852,5 million, eksport – 710,9 million, import – 141 million dollar);
- Germaniya (savdo aylanmasi – 675,4 million, eksport – 60,8 million, import – 614,6 million dollar);
- Turkmaniston (savdo aylanmasi – 626,1 million, eksport – 175,5 million, import – 450,6 million dollar);
- Ukraina (savdo aylanmasi – 622,5 million, eksport – 202,6 million, import – 419,9 million dollar);
- Afg‘oniston (savdo aylanmasi – 576,7 million, eksport – 573,2 million, import – 3,5 million dollar).

O‘zbekistonning yanvar—noyabr oylaridagi tashqi savdo aylanmasi 37,9 milliard dollarga teng bo‘lgan. Bunda:
- eksport 15,5 milliard dollarni;
- import 22,4 milliard dollarni;
- passiv tashqi savdo balansi 7 milliard dollarni tashkil etgan.

O‘zbekiston importida eng yuqori ulushga ega 10 ta mamlakat nomi ma’lum qilingan. Unga ko‘ra, ro‘yxatda 4,7 milliard dollar bilan Rossiya yetakchilik qilmoqda. Ikkinchi o‘rindan Xitoy joy olgan — 4,4 milliard dollar. Kuchli uchlikni 2,5 milliard dollar bilan Qozog‘iston yakunlagan. “Zamin” yangiliklarini “Instagram”da kuzatib boring