O‘zbekiston Kanada bilan Toshkentda viza markazini ochish masalasini muhokama qildi

^{Foto: Tashqi ishlar vazirligi rasmiy vakili}
31 may kuni O‘zbekiston tashqi ishlar vaziri vazifasini bajaruvchi Vladimir Norov Kanadaning mamlakatdagi favqulodda va muxtor elchisi (qarorgohi Moskva shahrida) Elison Meri Leklerni qabul qildi. Bu haqda Tashqi ishlar rasmiy vakili xabar berdi.

Ma’lum qilinishicha, uchrashuv davomida Kanada elchisi O‘zbekistonda davlat va jamiyat hayotining turli sohalarida amalga oshirilayotgan ulkan o‘zgarishlarni yuksak baholagan. Dunyodagi murakkab vaziyatga qaramay O‘zbekiston islohotlar yo‘lidan izchil harakatlanishda davom etayotgani e’tirof etilgan. Kanada hukumati O‘zbekistonga bu yo‘nalishda ko‘mak berishga tayyorligi aytib o‘tilgan.

^{Foto: Tashqi ishlar vazirligi rasmiy vakili}
Tomonlar ta’lim sohasidagi aloqalarni kengaytirish masalalarini muhokama qilgan. Shuningdek, tomonlar O‘zbekistonda ushbu mamlakatning yetakchi oliy o‘quv yurtlarining filiallarini ochish, iqtisodiyotning turli sohalarida birgalikda kadrlar tayyorlash masalasini ko‘rib chiqishga tayyorligini bildirgan.

^{Foto: Tashqi ishlar vazirligi rasmiy vakili}
O‘zaro hamkorlikni chuqurlashtirish maqsadida tomonlar Toshkent shahrida Kanada viza markazini ochish masalasini o‘rganishga kelishib olingan. “Zamin” yangiliklarini “Telegram”da kuzatib boring