Axborot maydonini qanday tozalashimiz kerak?

«Axborot maydonini tozalab bo‘lmaydi. Uni fikrlarimiz, dunyoqarashimiz va amalga oshirayotgan ishlarimiz bilan o‘zgartirishimiz mumkin.

Masalan, biz o‘zbek jamiyati sifatida 10 yildan keyin qanday jamiyat qurmoqchimiz? Bunga aniq kelishib olishimiz kerak. Yoki qaysi imkoniyatlarimizdan foydalanib, qaysi biriga e’tibor bermay, uni kelajak avlodga qoldiramiz?

Ya’ni, yonilg‘i energetika, oltin zahiralaridan hozir o‘zimiz foydalansak kelajak avlodga faqat qarz qoldirishimiz mumkin. Ayniqsa tabiiy resurslar masalasida qurg‘oqchilik, ocharchilik boshlansa bu yurt taqdiri nima bo‘ladi? Davlat xalq bilan kelishib olishi kerak. Bizda bunday muzokaralar bo‘lmagan. Va biz ko‘r-ko‘rona ketyapmiz.

Masalan, ikki daryoni o‘rtasida Yangi Toshkent shahrini qurish masalasini olaylik. Buni ekologiyaga ta’siri, ob-havo qanday o‘zgaradi bu haqda birinchi gaplashaylik. Shuningdek, atrofimizdagi vaziyatlarni ham inobatga olishimiz kerak», - deydi iqtisodchi Abdulla Abduqodirov.

Manba: Azon.uz “Zamin” yangiliklarini “Telegram”da kuzatib boring