Xorazmda 38 yoshli fuqarodan ko‘chada tinch yurishi uchun pul talab qilgan shaxslar qo‘lga olindi.
IIV huzuridagi Tergov departamenti bergan ma’lumotga ko‘ra, joriy yilning 9 iyun kuni 38 yoshli I.U. undan 36 yoshli M.B. va 30 yoshli M.E.lar ko‘chada tinch yurishi uchun pul talab qilayotgani, bermasa unga tegishli bo‘lgan mol-mulkiga shikast yetkazishlari mumkinligi haqida hududiy IIBga ariza bilan murojaat qilgan.
Arizaga asosan olib borilgan surishtiruvlarda aniqlanishicha, I.U. 2022 yil 6 dekabridan shu kunga qadar ularga 58 mln so‘m miqdorida pul berib kelgan.
Arizada bildirilishicha, joriy yilning 6-8 iyun kunlari ham M.B. va M.E.lar fuqaroga qo‘ng‘iroq qilib, 10 ming dollar talab qilgan. Aks holda uni tinch qo‘ymasligini bildirib, ushbu pullarni olib kelmagan taqdirda, unga tegishli bo‘lgan transport vositalarini tortib olib qo‘yish bilan qo‘rqitishgan.
Olib borilgan tezkor tadbirda yuqorida ko‘rsatilgan shaxslar arizachi bilan oldindan kelishilgan Gurlan tumani Mustaqillik ko‘chasida joylashgan “Ilhomboy” kafesida uchrashib, undan talab qilingan 10 ming dollarini olayotgan vaqtida, tadbir ishtirokchilari tomonidan ashyoviy dalillar bilan ushlangan.
Mazkur holat yuzasidan Gurlan tumani IIB huzuridagi Tergov guruhi tomonidan M.B. va M.E.larga nisbatan O‘zbekiston Respublikasi Jinoyat kodeksning 165-moddasi 2-qismi “b,v” bandlari (tovlamachilik) bilan jinoyat ishi qo‘zg‘atilib,ushbu shaxslarga nisbatan “qamog‘ga olish” tarzidagi ehtiyot chorasi qo‘llanilgan.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekiston Turkmaniston va Turkiya bilan mudofaa sohasida hamkorlik qiladi
Kuniga nechta olma yeyish mumkin? Ommabop mevaning zararli xususiyatlari
Shvetsiya Eronni Qur’on yoqib yuborilgani uchun qasos olganlikda ayblamoqda
Hindiston BMTni isloh qilishga chaqirdi
Tramp Eron tomonidan o‘lim tahdidi haqida ogohlantirildi
Dunyodagi eng baxtli shaharlar reytingi e’lon qilindi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Tramp Zelenskiyning AQSHga tashrifi chog‘ida u bilan uchrashishdan bosh tortdi
