14 ta oliy ta’lim muassasasida masofaviy ta’lim shakli joriy etiladi

^{Foto: DPA}

Bilim va malakalarni baholash agentligi boshqarma boshlig‘i Abduvohob Hayitov so‘zlariga ko‘ra, 14 ta oliy ta’lim muassasasida masofaviy ta’lim shakli joriy etiladi.

Ta’kidlanishicha, qabul jarayonlarida 6834 nafar (birinchi ta’lim yo‘nalishiga nisbatan) abituriyent masofaviy ta’lim shaklida o‘qish istagini bildirgan.

Mulozim masofaviy ta’lim shakli joriy etiladigan oliy ta’lim muassasalari haqida ma’lumot bermadi.

Qayd qilinishicha, 2023 yilda 545616 nafar abituriyent kunduzgi, 22867 nafari kechki, 373169 nafari sirtqi ta’lim shakli uchun ro‘yxatdan o‘tgan.