Surxondaryoda ikki ming yillik shahar qoldiqlari topildi

^{© Surxondaryo viloyati hokimligi matbuot xizmati}
Surxondaryo viloyatida ikki ming yillik tarixga ega shahar qoldiqlari topildi, deya xabar berdi viloyat matbuot xizmati.

Qayd etilishicha, viloyatning Uzun tumani hududida O‘zbekiston-Xitoy qo‘shma arxeologik ekspeditsiyasi amalga oshirildi.

^{© Surxondaryo viloyati hokimligi matbuot xizmati}
Tadqiqot ishlari davomida 4 ming yillik tarixga ega qabrlar va 2 ming yillik shahar qoldiqlari topildi.

^{© Surxondaryo viloyati hokimligi matbuot xizmati}
“Izlanishlar davomida turli xil sopol idishlar, qurol-aslahalar, taqinchoqlar, haykalchalar, shaharcha minoralari qoldiqlari hamda turli qadimiy qabrlar aniqlandi. Olimlarning dastlabki xulosalariga ko‘ra, ushbu arxeologik topilmalar eramizdan avvalgi II - eramizning III asrlariga oid Qang‘, Kushon va Yuechji (Massagetlar) davriga tegishli ekanligi aniqlangan”, — deyiladi xabarda.

Xabarga ko‘ra, hozirda hududda o‘rganish ishlari davom ettirilmoqda.

^{© Surxondaryo viloyati hokimligi matbuot xizmati}
Eslatib o‘tamiz, O‘zbekistonda o‘tgan yilning 1 yanvar holatiga ko‘ra, moddiy madaniy meros obyektlarining umumiy soni 8210 tani tashkil etgan, ulardan 4797 tasi arxeologik yodgorliklardir. Arxeologik yodgorliklarning aksariyati respublikaning Qashqadaryo viloyatida joylashgan. Statistika agentligi ma’lumotlariga ko‘ra, u yerda ularning 1197 tasi bor. “Zamin” yangiliklarini “Telegram”da kuzatib boring