Sud prokurorsiz o‘tdi, sudlanuvchi sudyaga “otvod” berdi

1 daqiqa o'qish478
Sud prokurorsiz o‘tdi, sudlanuvchi sudyaga “otvod” berdi
Foto: “Daryo”
Jinoyat ishlari bo‘yicha Olmazor tuman sudida sudya Valisher Karamonov raisligida 50 million so‘mga “uchastka”, 25 million so‘mga “kvartira”, 5 million so‘mga esa yangi avtomobil olib berishni va’da qilib, fuqarolarning salkam 7 milliard so‘m pulini o‘zlashtirgan jinoiy guruh ishi ko‘rib chiqilmoqda. Mazkur sud jarayonida noodatiy holat kuzatildi. Bu haqda sudda qatnashgan “Daryo” jurnalisti xabar berdi.

Sud avvalida OAV vakillarining ochiq sud majlisida qatnashish to‘g‘risidagi iltimosnomalarini muhokama qilgan sudya faqatgina sudlanuvchilar va ularning advokatiga yuzlanib, jarayon OAVda yoritilishiga munosabatini so‘radi. Ammo jabrlanuvchilardan bu haqda so‘ralmadi. Sudda qatnashayotgan bir nafar advokat bu so‘rovga javoban OAV vakillarining jarayonni yoritish-yoritmasligi haqidagi iltimosnoma taqdirini hal qilishni sud ixtiyoriga qoldirishini bildirdi. Uch nafar sudlanuvchining ikki nafari esa jarayonda OAV vakillarining syomka qilishiga qarshiligini aytdi. Shu ish bo‘yicha sudlanayotgan bloger esa jurnalistlar ishtirokiga qarshi emasligini ma’lum qildi. Shundan so‘ng sudya jarayonni syomka qilishni taqiqladi. Faqat jurnalistlar, operatorlarsiz kuzatuvchi sifatida o‘tirishlari mumkinligi qo‘shimcha qilindi.

Keyin sud majlisi boshlandi. Biroq, prokuror ishtirok etayotgani e’lon qilinsa-da, sud zalida prokuror yo‘q edi. Sud majlisi prokurorsiz davom ettirildi.

Sud majlisi davom etayotgan paytda sudlanuvchilardan biri “Avto 60 oy” ishi bo‘yicha sudlanib, qamalib chiqqan Jamshid Bahodirov sudga 3 ta iltimosnoma kiritganini, hali bunga javob berilmaganini, qo‘shimcha iltimosnomasi borligini gapirdi. Sudya esa bunga javoban jabrlanuvchilarni tinglab bo‘lgach, unga iltimosnoma uchun so‘z berilishini aytdi. Bir oz o‘tib, sudlanuvchi yana izn so‘radi va iltimosnomasini eshitishi kerakligini ta’kidladi. Sudya uni keyinroq tinglashini takrorladi. Uchinchi marotaba sudyaga murojaat qilgan sudlanuvchi sudyaga “otvod” berishini, sudya uni eshitmayotganini, ishni bir tomonlama ko‘rayotganini ma’lum qildi. Shuningdek, sudyaning adolatiga shubha qilayotganini aytdi.

Bunga javoban sudya mazkur talabni muhokama qilmasligini, faqatgina sudlanuvchini eshitishga tayyorligini, uni jabrlanuvchilarni tinglab bo‘lgach, eshitishini bildirdi. Qolaversa, bunday paytda sudya faoliyatini rad etish o‘rinsizligini qo‘shimcha qildi.

Sud 2024 yilning 3 iyun kuni soat 14:00 ga qadar tanaffus e’lon qildi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?