1845 yilda yo‘qolgan "Terror" kemasi topildi

Tadqiqotchilar Jon Franklinning 1845-1847 yillardagi yo‘qolgan Arktika ekspedisiyasida ishtirok etgan "Terror" bombardimon kemasi qoldiqlarini topishdi. Kema avval taxmin qilingan muz tagida qolgan joyidan janub tomon 60 mil masofada ekanligi aniqlandi, deyiladi "Kun" nashrida.

Ekspedisiyaning ikkinchi - "Erebus" kemasi 2014 yilda topilgan.

11 sentyabr kuni Arctic Research Foundation tadqiqot tashkiloti mutaxassislari masofadan boshqariladigan kichik submarina yordamida Arktikadagi ko‘rfazlardan birida cho‘kib ketgan ikkinchi kemaga etib borgandi.