Samarqandda 1,8 mlrd so‘mlik “svet”dan noqonuniy foydalangan mayning ferma fosh qilindi

^{Foto: Bosh prokuratura matbuot xizmati}
Kripto-aktivlar ishlab chiqarishda noqonuniy mayning faoliyati bilan shug‘ullanuvchi shaxslar tomonidan energiya resurslarni talon-toroj qilinishini fosh etishga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.

Samarqand viloyati, Ishtixon tumani, “Qaraquyli” mahallasida joylashgan “M.G.M” oilaviy korxona rahbari X.Yo. korxonaga qarashli binoning yer to‘lasida mayning qurilmalarini elektr tarmog‘iga o‘zboshimchalik bilan ulagan.

^{Foto: Bosh prokuratura matbuot xizmati}
Oqibatda, 1,8 mlrd so‘mlik 2 mln kVt.soat elektr energiyasidan noqonuniy foydalanilgan.

^{Foto: Bosh prokuratura matbuot xizmati}
Mazkur holat yuzasidan X.Yo.ga nisbatan Jinoyat kodeksining 169-moddasi (O‘g‘irlik) 4-qismi “a” bandi bilan jinoyat ishi qo‘zg‘atilib, protsessual tartibda ushlangan. “Zamin”ni Telegramʻda oʻqing!