Sergey Lavrov O‘zbekistonga keladi — tashrifdan maqsad va uchrashuvlar rejasi

Sergey Lavrov rasmiy tashrif bilan O‘zbekistonga keladi — strategik hamkorlik muhokama markazida

Rossiya tashqi ishlar vaziri Sergey Lavrov 2024 yil 22–23 aprel kunlari rasmiy tashrif bilan O‘zbekistonga keladi. Bu haqda Rossiya TIV rasmiy vakili Mariya Zaxarova brifing chog‘ida ma’lum qildi.

Tashrif davomida Lavrov O‘zbekiston Prezidenti Shavkat Mirziyoyev hamda tashqi ishlar vaziri Baxtiyor Saidov bilan muzokaralar o‘tkazishi rejalashtirilgan.

“Toshkentda tashrif doirasida O‘zbekiston Respublikasi prezidenti bilan uchrashuv va mamlakat TIV rahbari bilan batafsil muzokaralar rejalashtirilgan”, — dedi Zaxarova.

Brifingda ta’kidlanishicha, muzokaralarda asosiy e’tibor:

• Rossiya va O‘zbekiston o‘rtasidagi strategik hamkorlikni yanada rivojlantirish
  
• Mintaqaviy xavfsizlikni ta’minlashda hamkorlik
  
• Xalqaro tashkilotlar doirasidagi o‘zaro muvofiqlik
  

ga qaratilgan bo‘ladi.

Bu tashrif ikki mamlakat o‘rtasidagi siyosiy, iqtisodiy va gumanitar aloqalarning yangi bosqichga chiqishida muhim o‘rin tutishi kutilmoqda. “Zamin”ni Telegramʻda oʻqing!