Toshkent viloyatida joylashgan Bo‘stonliq tumani yana bir bor xavfli tabiiy ofat — yong‘in bilan yuzma-yuz keldi. 31 iyul kuni soat 13:00 da «Burchmulla» mahalla fuqarolar yig‘ini hududida joylashgan o‘rmon xo‘jaligida quruq o‘tlar yonayotgani haqida Toshkent viloyati Favqulodda vaziyatlar boshqarmasiga xabar berildi, deb ma’lum qildi Favqulodda.uz.
Yong‘in qir adirlik hududda sodir bo‘lgan. Haroratning yuqoriligi, havoning quruqligi va shamol yoqimsiz senariyni yaratib, yong‘in tarqalish xavfini oshirgan. Shu sababli, favqulodda vaziyatlar xizmatlari zudlik bilan voqea joyiga yetib borishdi.
Hozirgi vaqtda yong‘in-qutqaruv bo‘linmalari va o‘rmon xo‘jaligi xodimlari o‘rtasida hamkorlikda ish olib borilmoqda. Maxsus texnika va asbob-uskunalar yordamida yong‘inni cheklash, alanga tarqalishining oldini olish choralari ko‘rilmoqda. Hududdagi yong‘in yuqori xavf toifasiga kiritilgani uchun holat jiddiy nazoratga olingan.
Hodisadan so‘ng o‘rmon xo‘jaligi mas’ullari aholidan xavotirga tushmaslikni, biroq vaziyatga befarq bo‘lmaslikni so‘rashdi. Chunki qurg‘oqchilik davrida hatto kichik yong‘in ham katta oqibatlarga olib kelishi mumkin. Shu munosabat bilan mahalliy fuqarolardan o‘rmon hududlarida ehtiyotkorlik, yong‘in xavfsizligi qoidalariga amal qilish, hashar yoki dam olish paytida yong‘in keltirib chiqaruvchi harakatlardan chetlanish so‘ralmoqda.
Hozircha yong‘indan zarar ko‘rgan insonlar yoki binolar haqida ma’lumot yo‘q. Ammo xavf mavjudligi sababli, profilaktika choralari kengaytirilmoqda. Boshqarma vakillari hodisa yuzasidan qo‘shimcha ma’lumotlar taqdim etilishini ma’lum qilgan.
Shunisi muhimki, tabiatni asrash, o‘rmonlarni muhofaza qilish nafaqat davlat organlari, balki fuqarolik jamiyati zimmasida ham javobgarlikdir. Bir bee’tibor tashlangan chigara yoki filtrsiz sigaret butun qir o‘rmonni kuydirishi mumkin. Bu esa nafaqat tabiat, balki inson hayoti uchun ham tahdiddir.
Burchmulladagi bu voqea yana bir bor barchamizni o‘ylashga undaydi. Biz tabiatni asramasak, tabiat bizdan yuz o‘girishi turgan gap.
“Zamin”ni Telegramʻda oʻqing!
