Farg‘ona viloyatidagi Qiziltepa qishlog‘ida joylashgan 7-sonli davlat bog‘chasida 22-avgust kuni 13 nafar bola ovqatdan zaharlanish holati kuzatildi. Bu haqda rasmiy manbalar xabar berdi.
Hodisa sodir bo‘lganidan so‘ng, bolalar darhol tibbiyot xodimlari tomonidan ko‘rikdan o‘tkazilib, ular xavfsizlik va salomatlik maqsadida shifoxonaga yotqizildi. Hozirda bog‘chaning faoliyati vaqtincha to‘xtatilgan bo‘lib, bolalarning salomatligi uchun barcha zarur choralar ko‘rilmoqda.
Farg‘ona viloyati Sanepidko‘mitasi ushbu zaharlanishning aniq sabablarini tekshirmoqda. Mutasaddilar ta’kidlashicha, tekshiruv jarayonida ovqat sifati, saqlash shartlari va bolalar ovqati bilan bog‘liq barcha qadamlar atroflicha o‘rganiladi. Bu esa bunday holatlarning kelajakda takrorlanishini oldini olishga xizmat qiladi.
“Zamin”ni Telegramʻda oʻqing!
