Davlat xavfsizlik xizmati matbuot xizmati xabariga ko'ra, katta hajmdagi giyohvandlik moddalarining tarqalishiga chek qo'yildi. Davlat xavfsizlik xizmati va ichki ishlar organlari xodimlari tomonidan maxsus tezkor tadbir o'tkazilgan.
Tadbir davomida xolis shaxslar ishtirokida "opiy" giyohvandlik moddasidan iborat 10 ta o'ram yashirilgan joy topilgan. Umumiy hisobda 4 kg 956 gramm giyohvandlik moddasi aniqlanib, musodara qilingan.
Aniqlanishicha, giyohvand moddalar avvalroq narkokuryer tomonidan boshqa tarqatish zanjiri ishtirokchisi uchun yashirilgan. Hodisa Toshkent viloyatining Zangiota tumani hududidan o‘tuvchi Toshkent halqa avtomobil yo‘li yaqinida sodir bo‘lgan.
Mazkur holat yuzasidan O‘zbekiston Respublikasi Jinoyat kodeksining "Giyohvandlik vositalarini, ularning analoglarini yoki psixotrop moddalarni noqonuniy tayyorlash, sotib olish, saqlash yoki shu kabi boshqa harakatlar, shuningdek, ularni sotish" to‘g‘risidagi 5-qismi bo‘yicha jinoyat ishi qo‘zg‘atilgan. Hozirda tergov ishlari olib borilmoqda va noqonuniy giyohvand moddalar aylanmasiga aloqador shaxslar aniqlanmoqda.
Ular 20 yilgacha ozodlikdan mahrum etilishlari mumkin. Idora ma’lum qilishicha, mazkur giyohvandlik moddasi mamlakat hududiga kontrabanda yo‘li bilan olib kelingan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
