Mamlakatda jamoat xavfsizligini mustahkamlash va jinoyatchilikning oldini olish maqsadida yangi tashkiliy o‘zgarishlar kiritilmoqda. Xususan, kriminogen vaziyati og‘ir bo‘lgan hududlardagi mahallalarda qo‘riqlash xizmati inspektori lavozimi joriy qilinadi.
Ushbu lavozim Mahalla huquq-tartibot maskanlari tuzilmasiga kiritilib, joylardagi xavfsizlikni samarali ta’minlash, tezkor munosabat bildirish va jinoyatchilikni erta aniqlashda muhim ahamiyat kasb etadi.
Bundan tashqari, Qo‘riqlash departamentiga qo‘riqlanadigan obyektlarga o‘rnatilgan texnik vositalar va tizimlarga xizmat ko‘rsatish huquqi beriladi. Bu tizimlar orqali xavfsizlikni texnik jihatdan nazorat qilish samaradorligi oshiriladi.
Yana bir muhim yangilik – "Xavfsiz ta’lim" konsepsiyasi joriy etilmoqda. U quyidagilarni o‘z ichiga oladi:
Davlat, nodavlat va xorijiy ta’lim muassasalarining xavfsizligini jismoniy va texnik qo‘riqlash asosida ta’minlash;
Qo‘riqlash signalizatsiyasi, tashvish tugmasi, videokuzatuv moslamalari kabi xavfsizlik tizimlarini o‘rnatish va ularga texnik xizmat ko‘rsatish.
Shuningdek, kriminogen vaziyat og‘ir bo‘lgan joylar, turistik obyektlar va ommaviy dam olish hududlarida qo‘riqlash-patrul xizmati naryadlari tashkil etiladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
