Prezident huzuridagi tadbirkorlar huquqlarini himoya qilish bo‘yicha vakil lavozimiga Abdumannop Bo‘riyev tayinlandi. U bu vazifada avvalroq Bosh prokuraturaga ishga o‘tgan Dilmurod Qosimov o‘rnini egalladi. Bu haqda podrobno.uz xabar beradi.
Yangi biznes-ombudsman tayinloviga qadar Oliy Majlis Qonunchilik palatasida faoliyat yuritgan. U yerda korrupsiyaga qarshi kurash hamda sud-huquq tizimi masalalari bilan shug‘ullanuvchi qo‘mita tarkibida ishlagan, shuningdek UzLiDeP partiyasidan vakil bo‘lgan.
Bo‘riyev turli yillarda Farg‘ona viloyati adliya boshqarmasiga rahbarlik qilgan, Adliya vazirligi markaziy apparatida esa tashkiliy nazorat va strategik rejalashtirish bo‘limini boshqargan.
Endilikda uning asosiy vazifasi xususiy biznes manfaatlarini himoya qilishdan iborat bo‘ladi. U davlat organlarining tadbirkorlar faoliyatiga noqonuniy aralashuvining oldini olish, shuningdek biznes sohasini tartibga soluvchi qonunlar talablari buzilmasdan bajarilishini nazorat qiladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
