Toshkent shahrining Mirobod tumanida 2026-yil 19-fevral kuni ko‘pchilikning e’tiborini tortgan yo‘l-transport hodisasi sodir bo‘ldi. Bir vaqtning o‘zida Cobalt, ikkita Lacetti, Spark va Nexia-2 avtomashinalari ishtirokida zanjirsimon to‘qnashuv yuz bergan. Eng muhimi, hodisa oqibatida tan jarohati olganlar qayd etilmagan.
Toshkent shahar Ichki ishlar bosh boshqarmasi Yo‘l harakati xavfsizligi boshqarmasi axborot xizmati ma’lumotiga ko‘ra, voqea soat 10:40 atrofida Mirobod tumanidagi Farg‘ona yo‘li ko‘chasida ro‘y bergan. Ma’lum qilinishicha, mazkur yo‘l qismida beshta avtomashina o‘zaro to‘qnashib ketgan.
Hozircha YTH qanday sharoitda kelib chiqqanini aniqlash bo‘yicha rasmiy surishtiruv ishlari davom etmoqda. Mas’ul xodimlar hodisa sabablarini, harakat yo‘nalishini va ishtirokchilarning holatini o‘rganmoqda.
Yo‘ldagi bunday zanjirsimon to‘qnashuvlar ko‘pincha bir lahzali e’tiborsizlik, masofani saqlamaslik yoki harakat tezligini o‘z vaqtida pasaytirmaslik bilan bog‘liq bo‘ladi. Shuning uchun haydovchilardan Farg‘ona yo‘li kabi harakat tirband bo‘ladigan yo‘nalishlarda ayniqsa ehtiyot bo‘lish, masofani ushlash va keskin tormoz berishdan saqlanish so‘raladi.
Qisqasi, bu safar omad bor ekan — odamlar salomat. Endi eng to‘g‘ri xulosa: temirni tuzatsa bo‘ladi.
“Zamin”ni Telegramʻda oʻqing!
