Toshkentning Uchtepa tumanida ikki shaxs itlarni mashina ustiga haydagani uchun sud qaroriga toʻsildi. Bu haqida poytaxt IIBB matbuot xizmati maʼlum qildi.
Ijtimoiy tarmoqlarda tarqalgan videoda ikki fuqaro oʻz avtomashinalarida kuchuklarni haydayotgani aks etgan boʻlib, turli bahs-munozaralarga sabab boʻldi. Rasmiy maʼlumotlarga koʻra, 5 aprel kuni soat 23:00 atrofida Uchtepa tumanidagi bozorlarda qorovul sifatida ishlovchi 1997-yilda tugʻilgan T.M. va 1996-yilda tugʻilgan M.D. oʻz avtomobillarida kuchuklarni ustiga haydagan.
Hodisa yuzasidan Uchtepa tumani IIO FMB tomonidan Maʼmuriy javobgarlik toʻgʻrisidagi kodeksning 111-moddasi (hayvonlarga nisbatan shafqatsiz munosabat) boʻyicha maʼmuriy bayonnoma rasmiylashtirildi. Hujjatlar tuman sudiga yuborilgan va aybdor boʻlgan shaxslar BHMning 3–5 baravari (1 236 000 soʻmdan 2 060 000 soʻmgacha) miqdorida jarimaga tortilishi mumkin.
Shu bilan birga, 4 aprel kuni Oʻzbekiston Ekologik partiyasi hayvonlarga nisbatan shafqatsiz munosabat uchun alohida qonun loyihasi tayyorlayotganini maʼlum qildi. Loyiha jinoyiy javobgarlikni kuchaytirish, jarimalarni bazaviy hisoblash miqdorining 200 baravarigacha (82 400 000 soʻm) oshirish yoki bir yilga qadar ozodlikdan mahrum qilish taklif etilmoqda.
Bundan avval ham Toshkent viloyati Bostanliq tumanida mushuk bolalariga nisbatan shafqatsizlik qilgan shaxslar 15 va 10 sutka muddatga qamalganligi xabar qilingan edi. Ushbu videolarda ular mushuklarni ävosiz tepib, otib oʻldirib, boʻynidan osib qoʻyganligi aks etgan va jamoatchilik muhokamalariga sabab boʻlgan.
“Zamin”ni Telegramʻda oʻqing!
