Samarqand viloyatida uka opasini meros puli uchun o'ldirib qo'ydi
Samarqand viloyatida 36 yoshli erkak meros puli uchun o'z opasini o'ldirib qo'ydi. Uka mast holda opasining uyiga kelib, buzilgan uy uchun berilgan kompensatsiya pulidan ulush talab qilgan, biroq opa rad etgach, janjal yuzaga kelgan. Erkak oshxona pichog'i bilan opasiga zarba berib, uni o'ldirgan va sud tomonidan 16 yilga ozodlikdan mahrum etilgan.
Samarqand viloyatida uy snosi uchun berilgan kompensatsiya puli ustidagi kelishmovchilik og‘ir jinoyat bilan yakunlandi.
Sud hujjatlariga ko‘ra, 36 yoshli erkak mast holatda opasining uyiga kelib, u yerda spirtli ichimlik iste’mol qilgan. Suhbat davomida u uy uchun ajratilgan tovon pulidan ulush talab qilgan.
41 yoshli opa esa bu talabni rad etib, mablag‘ning bir qismi allaqachon berilganini aytgan.
Shundan so‘ng ular o‘rtasida janjal kelib chiqqan. Erkak oshxonadagi pichoq bilan opasining ko‘krak qismiga zarba bergan. Ayol voqea joyida vafot etgan.
Sudda erkak o‘z aybini tan olib, yengillik so‘ragan. U ilgari ham jinoyat sodir etgani uchun sudlangan shaxs ekani qayd etilgan.
Sud hukmiga ko‘ra, u Jinoyat kodeksining 97-moddasi 2-qismi bilan aybdor deb topilib, 16 yil muddatga ozodlikdan mahrum etildi va jazoni umumiy tartibli koloniyada o‘tashi belgilandi.
Izohlar 0
…