Xorijda “GAI”ga pora berishga uringan o‘zbekistonlik yigit Buxoroda javobgarlikka tortildi

Rossiya Federasiyasining Oltoy o‘lkasida yo‘l harakati xavfsizligi xodimiga pora berishga uringan o‘zbekistonlik yigit Buxoroda jinoiy javobgarlikka tortildi.

“Huquq” nashri bildirishicha, Oltoy o‘lkasida kirakashlik bilan shug‘ullangan o‘zbekistonlikni yo‘l harakati xizmati xodimi xavfsizlik kamarini taqmasdan yurgani bois jarimaga tortmoqchi bo‘lgan.

O‘zbekistonlik kirakash esa 500 rubl pora evaziga jarima yozmaslikni iltimos qilgan. Yo‘l harakati xavfsizligi xodimi esa bu haqda vakolatli organga xabar bergan.

O‘zbekistonlik yigitga nisbatan jinoiy ish qo‘zg‘atilgan.

U Rossiyani tark etib, O‘zbekistonga kelgan. Rossiya vakolatli organlari iltimosiga ko‘ra u mamlakatimizda qo‘lga olingan. Jinoyat ishlari bo‘yicha Peshku tuman sudi hukmiga ko‘ra unga 2 yil ozodlikni cheklash jazosi tayinlangan. “Zamin” yangiliklarini “Instagram”da kuzatib boring