7 134
Anvar qori "20 ming dollarlik tilla" soatini muhokama qilayotganlarga o‘z munosabatini bildirdi
Toshkent shahar bosh imom-xatibi Anvar qori Tursunov Xalqaro press-klubning Majburiy ijro byurosi faoliyatiga bag‘ishlangan anjumanida qatnashganidan so‘ng, ijtimoiy tarmoqlardagi bir qator ommabop guruhlar va sahifalarda u tadbirga qo‘liga 20 ming dollarlik qimmatbaho soat taqib borgani muhokama qilinmoqda, deb yozmoqda «UZ24» sayti.
Telegram messenjerida Anvar qorining bu gap-so‘zlarga audiomunosabati e’lon qilindi, deb yozadi «Daryo». Unda Toshkent shahar bosh imom-xatibi bo‘lajak juma namozida bu kabi gap-so‘zlarni tarqatganlarga javob berishini ma’lum qilib, ularni «Xudodan qo‘rqishga» chaqirdi.
Hayitdan oldin soatimni burayotgan edim, «chiq» etib buraydigan joyi buzilib qoldi. O‘sha erda bir yaxshi ukamiz turgan ekan, «Qori aka, mana bu sizga hayitlik», deb ertasiga yangi soat olib kelib berdi. Keyin, ko‘zlari kattagina ekan, deb taqdim. «Necha pul turadi bu soat?», desam: «Men buni BAAdan 250 dollarga olganman, sizga sovg‘a», dedi. Bo‘lgan gap shu.
«Buni 20 ming dollar degan gaplarni tarqatib yuborishdi. Astag‘firulloh, shunaqa ham tuhmat bo‘ladimi? Bir narsani o‘zimdan so‘rash, olib bunday tekshirish kerak edi. Masalan, men hech qachon oltin soat taqmayman. Qanaqa gap bu, Xudodan qo‘rqmaydimi bular? Uyat bormi ularda? Juma namozida ularga o‘z javobimni aytaman. Lekin ular Xudodan qo‘rqishsin. Mening gapim shu. Xudodan qo‘rqishsin»,— deydi Toshkent shahar bosh imom-xatibi Anvar qori Tursunov.
Anvar qorining qayd etishicha, shu soatning oltindan ishlangan originali haqiqatan ham 20 ming dollar turadi. Biroq uning qo‘lidagi soat «oltin emas, temirdan».
«Mana, soat hozir qo‘limda turibdi, nechta odamga ham ko‘rsatdim, sovg‘a qilgan ukamiz ham 250 dollarga olganman, dedi. Hayit kuni hayitlik deb berdi. Bu internetda aytilgan soat emas. Xohlasa, kelib, qo‘limdan olib ko‘rsin. Nomini ham bilmayman, o‘qiganim ham yo‘q. Internetda aytilgan soatning originali bo‘lar ekan — u oltindan ishlanarkan, 20 ming dollar turarkan. Qo‘limdagi soat esa oltin emas, temir bu»,—deya so‘zlarini davom ettiradi Anvar qori Tursunov.
Anvar qorining alohida ta’kidlashicha, u badavlat odam emas va ko‘pchilik o‘ylaganidek BMW avtomobilini haydab yurmaydi:
«Men unday badavlat odam emasman, hozir ham otamning uyida, uch sotix joyda turaman. O‘zim bir dona uy ham qurmaganman. Kim xohlasa, kelib ko‘rsin. ‘Shu erda turasizmi, qori aka?’, deb hayron bo‘ladi odamlar. Beshta bolam bor, onamni boqaman. Menda BMW yo‘q. Oddiy Captiva’ning eski nusxasi bor-ku, shu bor. Shuni ham tijorat bilan shug‘ullanadigan o‘g‘lim olib bergan.
Bu yolg‘on, bu tuhmat. Bu dushmanlarning ishi. Menga soat sovg‘a qilgan bechora ukamizga: ‘Qaerdan ham menga hayitlik berding?’, deb aytdim. Kulyapti u. Shu gaplarning ozginasi ham to‘g‘ri bo‘lganida ham edi: ‘Ha, endi qimmatbaho shu narsani oldim yoki birov berdi’, deb aytardim. Unaqa emas-ku!» “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyada Islom Karimov haqida kitob nashr qilindi
Kuzda immunitetni yaxshilash uchun nimalar iste’mol qilish kerak?
Maqsadining oxirigacha bormaydiganlarga nima xalaqit beradi?
Mikroto‘lqinli pechda isitish mumkin bo‘lmagan 5 ta mahsulot
Dunyodagi eng noodatiy poyabzallar (foto)
Qodirov Putinning tug‘ilgan kunida urushdagi harbiylarga “sovg‘a” yubordi (video)
Qarish jarayonini sekinlashtirish uchun qanday ovqatlanish kerak?
Qahva miyada «baxt garmoni»ni ishlab chiqarishi va yurakka foydali ekanligi aytildi
