Endi ko‘chmas mulk haqidagi ma’lumotlarni onlayn tarzda bilishingiz mumkin

Toshkent shahar er resurslari va davlat kadastri boshqarmasi ko‘chmas mulk haqidagi ma’lumotlarni aniqlash xizmatini sinov rejimida ishga tushirdi.

Mazkur onlayn-resursdan foydalanish orqali ko‘chmas mulk joylashgan manzil, uning inventar bahosi, yashash xonalari va maydoni, unga nisbatan taqiq bor-yo‘qligi, soliq stavkalari bo‘yicha iqtisodiy zonani bilish imkoni mavjud bo‘ladi.

Ma’lum bo‘lishicha, ushbu resurs fuqarolar va yuridik shaxslarning ko‘chmas mulk bo‘yicha murojaatlari hajmi oshganligi sabab ishga tushirilgan.