Toshkentda farzandini deb metroni portlatmoqchi bo‘lgan shaxs qo‘lga olindi

Kecha, 22 fevral soat 15.40 larda “1009” xizmatiga o‘zini “Doniyor Xoliqov” deb tanishtirgan shaxs qo‘ng‘iroq qilib, va “Agar turmush o‘rtog‘im farzandimni 20 daqiqa ichida olib kelib bermasa, metroda portlash sodir bo‘ladi” deb go‘shakni qo‘yib qo‘ygan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.

Olib borilgan surishtiruv ishlari natijasida ushbu qo‘ng‘iroqni Shayxontohur tumani Qizil tamg‘a 3-tor ko‘chasi 3-uyda yashovchi, 1980 yilda tug‘ilgan Doniyor Xoliqov amalga oshirganligi aniqlanib, uni ushlash choralari ko‘rilgan. “Zamin”ni Telegramʻda oʻqing!