O‘zbekistonga zarba beruvchi vertolyotlar keltiriladi

Harbiy-texnik hamkorlik bo‘yicha Rossiya Federal xizmati direktori o‘rinbosari Vladimir Drojkovning ma’lum qilishicha Yerevanda tashkil etilgan “ArmHiTech-2018” qurol-yarog‘ ko‘rgazma doirasida Rossiya va O‘zbekiston o‘rtasida shartnoma imzolangan.

Mazkur shartnomaga muvofiq Rossiya O‘zbekistonga o‘ndan ziyod “Mi-35” vertolyotlarini yetkazib beradi.

“ Shartnoma imzolandi. Endilikda O‘zbekistonga “Mi-35” vertolyotlarini yetkazib beramiz. Mazkur mamlakat bilan harbiy-texnik hamkorligimiz izchil rivojlanmoqda”, degan V.Drojkov ko‘rgazmada jurnalistlarga.

Xabarda 2016 yilda Rossiya va O‘zbekiston o‘rtasida harbiy-texnik hamkorlik bo‘yicha kelishuv imzolangani, unga muvofiq Rossiya ichki narxlarda mamlakatimizga qurol-yarog‘ yetkazib berishi eslatilgan.

Ma’lumot uchun: “ Mi-35” vertolyoti zarba beruvchi harbiy-texnika hisoblanadi. Uning uchish tezligi soatiga 300/km.gacha yetishi mumkin. “Zamin”ni Telegramʻda oʻqing!