Toshkentda yana bir Mersedes-Benz avtobusi yonib ketdi (video)

Toshkentda 29 avgust soat 20:17 atrofida 131-yoʻnalish boʻyicha qatnovchi Mersedes-Benz Low Conecto markasidagi yoʻlovchi avtobusi yonib ketdi.

Toshkent shahar IIBB maʼlumotlariga koʻra, 12-sonli avtosaroyga qarashli avtobusga Olmazor tumanidagi “Ziyolilar” bekati yonida oʻt ketgan. Voqea joyiga 20:22 da ikkita oʻt oʻchirish raschyoti yetib kelgan. Yongʻin soat 20:26da bartaraf etilgan.

Yongʻin avtobusning motor boʻlimida yuz bergan. Bunga avtobusning yonilgʻi tizimidagi nosozlik sabab boʻlgan. Yongʻin oqibatida hech kimga shikast yetmagan.
“Zamin”ni Telegramʻda oʻqing!