Bandlik va mehnat munosabatlari vazirligi «Mening fikrim» jamoaviy murojaatlar portalida muhokamaga qo‘yilgan barcha korxona va tashkilotlarning 5 kunlik ish haftasiga o‘tishi masalasi bo‘yicha taklifga munosabatini bildirdi.
«Joriy yilning 16 oktyabr kuni «Mening fikrim» («Moye mneniye») portalida barcha byudjet va nodavlat tashkilotlarning to‘liq 5 kundan iborat ish haftasiga o‘tish kerakligi haqida e’lon qilingan taklif Bandlik va mehnat munosabatlari vazirligi tomonidan ko‘rib chiqildi.
Mehnat qonunchiligiga o‘zgarish va qo‘shimchalar kiritishni talab etadigan bunday taklif maqsadga muvofiq emas.
Birinchidan, butun hafta davomida uzluksiz ish tartibiga ega barcha byudjet tashkilotlari, shu jumladan, tibbiyot va ta’lim muassasalari uchun majburiy 5 kunlik ish haftasi barcha shifoxona, poliklinika, maktab, kollej, OTMlar, shuningdek, nodavlat tashkilotlarga taalluqli korxonalarning 5 kunlik ish haftasiga o‘tishini taqozo etadi.
Ikkinchidan, amaldagi qonunchilikka muvofiq (Mehnat kodeksining 120-moddasi), ish haftasi turi (ikki kun dam olish belgilangan besh kunlik ish haftasi yoki bir kun dam olish belgilangan olti kunlik ish haftasi) va ish vaqtining tartibi (kunlik ish (smena) davomiyligi, ish vaqtining boshlanishi va tugashi, ishdagi tanaffuslar vaqti, bir kundagi smenalar soni, ish kuni va ish kuni bo‘lmagan kunlardagi navbatchilik, ishchilarning smenadan smenaga o‘tish tartibi) korxonada ichki mehnat tartib qoidalari, ish joyidagi boshqa me’yoriy hujjatlar, agar ular mavjud bo‘lmasa, ishchi va ish beruvchi o‘rtasidagi kelishuv bo‘yicha o‘rnatiladi.
Shunga ko‘ra, barcha byudjet va nodavlat tashkilotlarni to‘liq besh kundan iborat majburiy ish haftasiga o‘tkazishga zarurat yo‘q, chunki mehnat qonunchiligida bunday imkoniyat nazarda tutilgan va ish joyidagi me’yoriy hujjatlar orqali amalga oshirilishi mumkin», deyiladi vazirlik nuqtai nazari keltirilgan xabarda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
Shoygu Ukraina dronlariga qarshi qo‘llaniladigan yangi vositalar bilan tanishdi
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?