O‘zbekiston Respublikasi favqulodda va muxtor elchisi Alisher A’zamxo‘jayev (qarorgohi Anqara shahrida) Bolgariya Respublikasi prezidenti Rumen Radevga ishonch yorliqlarini topshirdi.
Foto: TIV axborot xizmati
TIV xabariga ko‘ra, Bolgariya prezidenti ma’muriyati binosidagi tantanali marosimdan keyin suhbat bo‘lib o‘tgan. Bolgariya rahbari ikki tomonlama munosabatlar holatini yuqori baholar ekan, hamkorlikni kengaytirish uchun mavjud salohiyatga e’tibor qaratgan.
Prezident ishonch bildirishicha, so‘nggi ikki yilda kuzatilayotgan Bolgariya-O‘zbekiston aloqalarining faollashuvi mamlakatlarimizning siyosiy, savdo-iqtisodiy va madaniy-gumanitar sohalardagi hamkorligini yanada mustahkamlashga xizmat qiladi.
Ikki davlat rahbarlarining o‘tgan yili Nyu-York shahrida bo‘lib o‘tgan uchrashuvida erishilgan kelishuvlarni amalga oshirishdan, jumladan qishloq xo‘jaligi, oliy ta’lim va yuqori texnologiyalar sohalarida hamkorlikni rivojlantirishdan tomonlar manfaatdorligi ta’kidlandi.
O‘zbekiston Bolgariyaning mintaqadagi do‘sti, ishonchli va istiqbolli hamkori ekanligini Bolgariya prezidenti qayd etdi, shuningdek, Bolgariya-O‘zbekiston munosabatlarini tomonlarni qiziqtirgan barcha yo‘nalishlarda sifat jihatidan yangi darajaga ko‘tarishga mamlakati tayyor ekanligini bildirdi.
Prezident Rumen Radev prezident Shavkat Mirziyoyevga samimiy qutlov va o‘zining chuqur ehtiromini izhor etdi va Bolgariya tomoni kelgusi 2019 yilda O‘zbekiston rahbarining Bolgariyaga tashrifini tashkil etishni rejalashtirayotganini tasdiqladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
O‘zbekistonlik jangchi UFC reytingida top-darajaga ko‘tarilganidan keyin nimalar dedi?
“Zenit” futbolchisi Fayzullayev haqida nimalar dedi?
U-23 Osiyo kubogi. Norchayev finalda gol ursa, to‘purar bo‘lishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Prezidentning yangi qarori bo‘yicha ma’lumot berildi
Sharmandaga shahar keng