Namanganda YHXB haydovchilarga qahva taklif etmoqda (video)

^{Foto: Namangan viloyat IIB YHXB}
Qamchiq dovonidan oʻtuvchi “Fargʻona halqa yoʻli” avtomobil yoʻlida ikki joyda haydovchilar uchun kichik qahvaxonalar tashkil etildi. Bu haqda Namangan viloyat IIB YHXB matbuot guruhiga tayanib “Daryo” maʼlum qildi.

— Maqsad uzoq masofadan, ayniqsa tungi vaqtda kelayotgan haydovchilar hushyorligini oshirish, charchoq alomati sezilganda tetiklashtirishdan iborat. Ularga ushbu qahvaxonalarda bepul ravishda qaynoq qahva va choy taklif etilmoqda, — deydi guruh katta inspektori Shokirjon Hoshimov.

^{Foto: Namangan viloyat IIB YHXB}
Birinchisi Toshkent — Oʻsh yoʻlining 221-kilometridagi nazorat maskanida, ikkinchisi Namangan muntazam yoʻl-patrul xizmati maskanida tashkil etilgan qahvaxonalarda yoʻl-transport hodisalari oqibatlari aks etgan videolavhalar namoyishi ham yoʻlga qoʻyildi.
“Zamin”ni Telegramʻda oʻqing!