Turkiyalik jurnalistlar, blogerlar hamda turfirmalar rahbarlari Buxorodan Samarqandga keldi

Joriy yilning 31 oktyabr kuni Turkiyaning “Atlasglobal Airlines” aviakompaniyasiga qarashli “Airbus-321” samolyoti “Istanbul-Buxoro” yo‘nalishidagi ilk charter reysni amalga oshirdi.

Turkiyalik jurnalistlar, bloger, turistik firmalar rahbarlari va xodimlari, shuningdek, qator din arboblari va olimlardan iborat ushbu charter reys yo‘lovchilari bugun Samarqand shahrining tarixiy obidalari, Imom Buxoriy majmuasini ziyorat qildi.

Eslatib o‘tamiz, navbatdagi charter reys 4 noyabr kuni “Istanbul-Samarqand” yo‘nalishida amalga oshirilishi kutilmoqda.