4 336
Toshkent shahrida katta miqdordagi pirotexnika vositalari noqonuniy savdosining oldi olindi
Aholi orasida pirotexnika vositalari savdosi bilan noqonuniy ravishda shug‘ullanish qonunchilikda belgilangan tartibda javobgarlikka sabab bo‘lishi haqida muntazam ravishda tushuntirish targ‘ibot ishlari olib boriladi.
Biroq, har yili Yangi yil bayrami yaqinlashgani sari noqonuniy yo‘llar bilan mamlakatimizga olib kelingan, xavfsizlik talablariga javob bermaydigan pirotexnika vositalarini ko‘cha-kuyda pullab, mo‘may daromad qilishni maqsad qilgan «uddaburon soxta tadbirkorlar» paydo bo‘la boshlaydi. Ya’ni, turli ko‘ngilsizliklarga, hatto, inson hayotiga zomin bo‘lish kabi salbiy holatlarni keltirib chiqarayotganiga qaramasdan bunday vositalar savdosi bilan shug‘ullanishga urinish holatlari hamon uchramoqda.
Toshkent shahar davlat soliq xizmati organlari tomonidan poytaxtimizning Bektemir tumanida o‘tkazilgan profilaktik tadbirlar davomida Farg‘ona viloyati Marg‘ilon Shahrida yashovchi, 1988 yilda tug‘ilgan fuqaro Nozima Shokirova (ism va familiyalar o‘zgartirilgan) hech qanday hujjatlarsiz pirotexnika vositalarini savdoga qo‘ygani aniqlandi. Tadbir davomida 3 turdagi 333 dona (quti) umumiy qiymati 8 million 910 ming so‘mlik pirotexnika mahsulotlari noqonuniy savdosining oldi olindi.
Profilaktik tadbirlar davomida Bektemir tumani, Nurashon ko‘chasida yashovchi, 1991 yilda tug‘ilgan yana bir fuqaro Ulug‘bek Ummatov ham 3 turdagi 15 dona (quti) umumiy bahosi 800 ming so‘mlik pirotexnika vositalarini mo‘may daromad evaziga pullash payida bo‘lgani ma’lum bo‘ldi.
Huddi shuningdek, Toshkent viloyati Oqkurg‘on tumanida istiqomat qiluvchi, 1998 yilda tug‘ilgan fuqaro Shodiyor Doniyorov respublikamizga noqonuniy yo‘llar bilan olib kelingan 20 dona umumiy qiymati 800 ming so‘mlik pirotexnika vositalarini noqonuniy savdoga qo‘ygani aniqlandi.
Eslatib o‘tamiz, O‘zbekiston Respublikasi Ma’muriy javobgarlik to‘g‘risidagi kodeksi hamda Jinoyat kodeksining tegishli moddalarida pirotexnika buyumlarining qonunga xilof muomalasi uchun javobgarlik va jazo choralari belgilangan.
Hurmatli fuqarolar!
Unutmang noqonuniy pirotexnika vositalari eng ko‘p farzandlarimiz sog‘lig‘iga va hatto hayotiga xavf tug‘diradi. Shunday ekan ayni kunlarda yon-atrofda pirotexnika vositalari paydo bo‘la boshlagani, ya’ni «paqildoq»lar ovozi ko‘payib qolgani barchamizni sergak torttirishi lozim. Zero, bu kabi salbiy holatlarga qarshi kurashishda nafaqat tegishli idoralar balki, barchamiz baravar harakat qilsak, ko‘zlangan natijaga erishamiz.
Toshkent shahar DSB Matbuot xizmati
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
U23 Osiyo Kubogi yarim final bahsi. Yaponiya ikkinchi finalchiga aylandi!
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Amerikalik xonanda Billi Aylish noodatiy fobiyasi haqida so‘zlab berdi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Saylovoldi kurashida Tramp Baydenni ortda qoldirmoqda
Toshkent viloyatida ikki yigit taksi haydovchisining joniga qasd qilmoqchi bo‘ldi