Joriy yilning 20 fevral kuni xalq ta’limi vaziri Sherzod Shermatov “Xalq ta’limi vazirining 2019 yil 28 dekabrdagi 405-buyrug‘i bilan tasdiqlangan umumiy o‘rta ta’lim maktablarida variativ o‘quv rejalarini tajriba-sinovdan o‘tkazish bo‘yicha tavsiyaga o‘zgartirishlar kiritishlar to‘g‘risida”gi buyrug‘ini imzoladi.
Vazirlik xabariga ko‘ra, 2019-2020 o‘quv yilining uchinchi choragidan boshlab, tajriba sifatida 10-11-sinflarda fanlar ixtiyoriy tanlov asosida o‘qitila boshlandi. Tajriba sinov 2019-2020 o‘quv yili yakuniga qadar o‘tkaziladi.
Variativ o‘quv rejalarini joriy qilishdan maqsad o‘quvchilarning o‘zi qiziqqan fanlarni chuqur o‘rganishiga sharoit yaratish, maktab bitiruvchilarining oliy o‘quv yurtiga kirish imtihoniga tayyorgarlik ko‘rishini ta’minlash va yuqori sinflarda o‘quv jarayonini kasblarga yo‘naltirilgan holda tashkil etishdan iborat.
Variativ o‘quv rejalarining joriy qilinishi ixtiyoriy bo‘lib, maktabda tanlov sinfini tashkil etishda yuqori malakali, tajribali o‘qituvchilarning mavjudligi inobatga olinadi.
Hujjatga ko‘ra, variativ o‘quv rejalar doirasida majburiy fanlar qatoriga chaqiruvga qadar boshlang‘ich tayyorgarlik fani kiritilmoqda.
Avval ona tili va adabiyoti, o‘zbek tili/rus tili, chet tili, tarix, matematika, informatika, ma’naviyat asoslari (tarbiya), jismoniy tarbiya fanlari majburiy fanlar qatorida o‘qitilar edi.
Yana bir majburiy fanning joriy etilishi natijasida tanlov fanlariga ajratilgan soatlarga o‘zgartirishlar kiritildi.
Endilikda majburiy fanlarga ajratilgan soatlarning miqdori tayanch o‘quv rejada belgilangan miqdordan — 10-sinfda jami 20,5 soatdan, 11-sinfda 21 soatdan — kam bo‘lmasligi lozim (avval 10-sinfda jami 19 soatdan, 11-sinfda 19,5 soatdan).
Tanlov sinfida tanlov fanlari uchun haftada 10-sinfda jami 9,5 soat (avval 11 soat), 11-sinfda 10 soat ajratiladi.
Tanlov sinfida tanlov fanlari uchun ajratilgan soatlarni yo‘nalishlar bo‘yicha tegishli fanlar uchun quyidagicha taqsimlash tavsiya etiladi:
Xorijiy til va filologiya yo‘nalishida: 10-sinfda “Chet tili” fani 4,5 soat, “Ona tili va adabiyoti” fani 5 soat, 11-sinfda “Chet tili” fani 4 soat, “Ona tili va adabiyoti” fani 6 soat o‘qitilishi mumkin;
Moliya – iqtisod yo‘nalishida: 10-sinfda “Matematika” fani 5 soat, “Chet tili” fani 4,5 soat, 11-sinfda “Matematika” fani 5 soat, “Chet tili” fani 5 soat o‘qitilishi mumkin;
Texnologiya yo‘nalishida: 10-sinfda “Matematika” fani 3,5 soat, “Fizika” fani 6 soat, 11-sinfda “Matematika” fani 4 soat, “Fizika” fani 6 soat o‘qitilishi mumkin;
Tabiiy fanlar yo‘nalishida: 10-sinfda “Biologiya” fani 4,5 soat, “Kimyo” fani 5 soat, 11-sinfda “Biologiya” fani 5 soat, “Kimyo” fani 5 soat o‘qitilishi mumkin;
Gumanitar yo‘nalishida: 10-sinfda “Tarix” fani 4,5 soat, “Ona tili va adabiyoti” fani 5 soat, 11-sinfda “Tarix” fani 5 soat, “Ona tili va adabiyoti” fani 5 soat o‘qitilishi mumkin.
Maktablar imkoniyatini hisobga olgan holda yanvar oyi davomida o‘quvchilar orasida o‘tkazilgan so‘rovnomalar natijasiga ko‘ra variativ o‘quv rejalar respublika bo‘yicha jami 627 ta (maktablarning umumiy soniga nisbatan — 6,3 foiz) umumiy o‘rta ta’lim maktablarida tajriba-sinovdan o‘tkazilmoqda.
Mazkur maktablarning 10-11-sinflarida jami 1 035 ta (10-11 sinflarning umumiy soniga nisbatan 2,8 foiz) tanlov sinflari (10-sinflarda 565 ta, 11-sinflarda 470 ta) tashkil etildi.
Mazkur sinflarda jami 27 166 nafar (10-sinf: 15 477 nafar, 11-sinf: 11 689 nafar) o‘quvchi ta’lim olmoqda.
So‘rovnoma natijalariga ko‘ra, ijtimoiy-gumanitar yo‘nalishida 328 ta tanlov sinfi tashkil etildi va ularda 8 785 nafar o‘quvchi tahsil olmoqda.
Moliya-iqtisod yo‘nalishida 6 106 nafar o‘quvchi o‘qish istagini bildirdi. Natijada, 251 ta tanlov sinfi tashkil etildi.
Xorijiy til va filologiya yo‘nalishidagi 195 ta tanlov sinfida 5397 nafar o‘quvchi tahsil olmoqda.
Tabiiy fanlar yo‘nalishidagi 134 ta tanlov sinfi tashkil etildi va ularda 3473 nafar o‘quvchi qabul qilindi. 3 405 nafar o‘quvchilar texnologiya yo‘nalishidagi 127 ta tanlov sinflarda bilim olmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?