O‘zbekistonda koronavirusdan zararlanish holatlari soni 1113taga yetdi

Sog‘liqni saqlash vazirligi O‘zbekistonda yana 59 kishiga koronavirus infeksiyasidan zararlanish tashxisi qo‘yilgani haqida xabar berdi.
«2020 yil 14 aprel soat 15:30 holatiga ko‘ra, O‘zbekistonda koronavirus infeksiyasi qayd etilganlar soni 1113 nafarni tashkil qilmoqda», deyiladi vazirlik xabarida.

Eslatib o‘tamiz, O‘zbekistonda koronavirusdan zararlanish bilan bog‘liq ilk holat 15 mart kuni qayd etilgandi. 13 aprel kuni kunlik zararlanish holatlari bo‘yicha rekord natija qayd etilgandi - 133 holat.

Bugun hozircha zararlanish holatlari soni 115taga oshdi.
Shu vaqtgacha 99 kishi kasallikdan sog‘aydi, 4 kishi vafot etdi. “Zamin”ni Telegramʻda oʻqing!